மாநகராட்சிப் பள்ளி மாணவா்களுக்கு விலையில்லா மிதிவண்டிவழங்கல்

மதுரை மாநகராட்சிப் பள்ளிகளில் பயிலும் மாணவ, மாணவிகள் 438 பேருக்கு அரசின் விலையில்லா மிதிவண்டிகளை மேயா் வ.இந்திராணி புதன்கிழமை வழங்கினாா்.

மதுரை மாநகராட்சியின் நிா்வாகத்தின் கீழ் இயங்கும் பள்ளிகளுக்கு தமிழக அரசால் வழங்கப்படும் விலையில்லா பாடப்புத்தகங்கள், கல்வி உபகரணங்கள், சீருடைகள், காலணிகள் மற்றும் 1-ஆம் வகுப்பு முதல் 5-ஆம் வகுப்பு வரை பயிலும் குழந்தைகளுக்கு முதல்வரின் காலை உணவுத் திட்டத்தின் கீழ் காலை உணவுகள் உள்ளிட்டவை வழங்கப்படுகின்றன. மேலும்

அரசின் விலையில்லா மிதிவண்டிகள் வழங்கும் திட்டத்தின் கீழ் மதுரை மாநகராட்சி வெள்ளி வீதியாா் பெண்கள் மேல்நிலைப்பள்ளி, இளங்கோ மாநகராட்சிப் பள்ளி, ஈ.வெ.ரா.நாகம்மையாா் மாநகராட்சி பெண்கள் மேல்நிலைப்பள்ளி, காக்கைபாடினியாா் பெண்கள் மேல்நிலைப்பள்ளி, மாசாத்தியாா் பெண்கள் மேல்நிலைப் பள்ளி, அவ்வை மாநகராட்சி பெண்கள் மேல்நிலைப்பள்ளி, சேதுபதி பாண்டித்துரை மேல்நிலைப்பள்ளி, கம்பா் மாநகராட்சி மேல்நிலைப்பள்ளி ஆகிய பள்ளிகளில் பயிலும் 1573 மாணவ, மாணவியருக்கு விலையில்லா மிதிவண்டிகள் கடந்த மாதம் வழங்கப்பட்டது. இதன் தொடா்ச்சியாக, சுந்தரராஜபுரம் மாநகராட்சிப் பள்ளியில் பயிலும் 116 மாணவ, மாணவியா், பொன்முடியாா் பெண்கள் மேல்நிலைப் பள்ளியில் பயிலும் 215 மாணவியா், பாண்டியன் நெடுஞ்செழியன் மேல்நிலைப் பள்ளியில் பயிலும் 107 மாணவ, மாணவியா் உள்பட மொத்தம் 438 பேருக்கு அரசின் விலையில்லா மிதிவண்டிகள் வழங்கும் விழா புதன்கிழமை நடைபெற்றது. நிகழ்ச்சியில் மேயா் வ.இந்திராணி பங்கேற்று விலையில்லா மிதிவண்டிகளை வழங்கினாா். நிகழ்ச்சியில், துணை மேயா் தி.நாகராஜன், மண்டலத் தலைவா்கள் பாண்டிச்செல்வி, சரவண புவனேஸ்வரி, கல்விக்குழுத் தலைவா் ரவிச்சந்திரன், கல்வி அலுவலா் நாகேந்திரன் மற்றும் மாமன்ற உறுப்பினா்கள் தலைமை ஆசிரியா்கள், ஆசிரியா்கள் மாநகராட்சி அலுவலா்கள் பங்கேற்றனா்.