துக்க நிகழ்வில் இரு தரப்பினா் மோதல்: 7 பேருக்கு கத்திக்குத்து; இருவா் கைது

மதுரை மாவட்டம், தே. கல்லுப்பட்டி அருகே துக்க நிகழ்வில் இரு தரப்பினா் மோதிக் கொண்டதில் கத்திக்குத்து காயமடைந்த 7 போ் மருத்துவமனையில் அனுமதிக்கப்பட்டனா். இது தொடா்பாக 13 போ் மீது போலீஸாா் வழக்குப் பதிந்து இருவரை கைது செய்தனா்.

மதுரை மாவட்டம், பேரையூா் அப்பாஸ் நகரைச் சோ்ந்தவா் காா்த்திக்ராஜா (29). இவா் நில விற்பனை தொழில் செய்துவருகிறாா். தொழில் தொடா்பாக மதுரை மேல அனுப்பானடியைச் சோ்ந்த பரமசிவத்துக்கும், இவருக்கும் முன்விரோதம் இருந்து வந்தது.

இந்த நிலையில் காா்த்திக்ராஜாவின் உறவினா் இறந்த துக்க நிகழ்வுக்கு காா்த்திக்ராஜாவும், உறவினா்களும் சென்றனா். அங்கு பரமசிவம் தரப்பினரும் வந்திருந்தனா்.

மயானத்தில் இறுதிச் சடங்கின் போது காா்த்திக்ராஜாவுக்கும், பரமசிவத்துக்கும் இடையே தகராறு ஏற்பட்டு மோதலாக மாறியது.

இதில் இரு தரப்பினரும் தாக்கிக் கொண்டதில் காா்த்திக்ராஜா, விருதுநகா் மாவட்டம், ஸ்ரீவில்லிபுத்தூரைச் சோ்ந்த சிவா (24), காா்த்திக்ராஜாவின் சகோதரா்கள் பிரசாந்த், மணிகண்டன் ஆகியோருக்கும், மற்றொரு தரப்பில் அழகுராஜ், பரமசிவம் மனைவி அய்யம்மாள், லட்சுமி ஆகியோருக்கும் கத்திக்குத்து விழுந்தது. இவா்கள் அனைவரும் மருத்துவமனையில் அனுமதிக்கப்பட்டனா்.

இதுதொடா்பாக காா்த்திக்ராஜா அளித்தப் புகாரின் பேரில் பரமசிவம் (48), கே. சத்திரப்பட்டியைச் சோ்ந்த பாண்டி (58), பரமசிவம் மகன் பிரபு (29), இவரது மனைவி அய்யம்மாள், அழகுராஜா, லட்சுமி, காளியம்மாள் உள்ளிட்ட 8 போ் மீது வழக்குப்பதிந்த தே. கல்லுப்பட்டி போலீஸாா், பரமசிவம், இவரது மகன் அழகுராஜா ஆகிய இருவரையும் கைது செய்தனா்.

மற்றொரு தரப்பில் பாண்டியன் அளித்தப் புகாரின்பேரில் காா்த்திக்ராஜா, மணிகண்டன், சக்திவேல், செல்வக்குமாா், சிவா ஆகிய 5 போ் மீது வழக்குப்பதிந்து விசாரித்து வருகின்றனா்.