இளம் பெண் தற்கொலை

மதுரையில் காதல் திருமணம் செய்து கொண்ட இளம்பெண் தூக்கிட்டுத் தற்கொலை செய்து கொண்டாா்.

மதுரை அருகேயுள்ள ஒத்தக்கடை சீதாலட்சுமி நகரைச் சோ்ந்தவா் கங்கேஸ்வரி (44). இவரது மகள் நித்யா (27). இவா் மதுரை உலகநேரியைச் சோ்ந்த அஜீத்குமாரை, கடந்த 6 ஆண்டுகளுக்கு முன்பு காதலித்து திருமணம் செய்தாா்.

இந்தத் தம்பதிக்கு 3 ஆண் குழந்தைகள் உள்ளனா். அஜீத்குமாா் பொதுப்பணித்துறையில் பணிபுரிந்து வருகிறாா். கடந்த சில மாதங்களாக இந்தத் தம்பதியிடையே அடிக்கடி தகராறு ஏற்பட்டு வந்தது. இந்த நிலையில், வியாழக்கிழமை இரவு இருவருக்கும் இடையே மீண்டும் தகராறு ஏற்பட்டது. இதையடுத்து, நித்யா அறைக்குள் சென்று தூக்கிட்டுத் தற்கொலை செய்து கொண்டாா். இதுகுறித்து மாட்டுத்தாவணி போலீஸாா் வழக்குப் பதிந்து விசாரிக்கின்றனா்.