புற்று நோய் பாதிப்பிலிருந்து மீண்ட குழந்தைகளுக்கான மாரத்தான் போட்டி

மதுரை மீனாட்சி மிஷன் மருத்துவமனை, ஆராய்ச்சி மையம் சாா்பில், புற்றுநோய் பாதிப்பிலிருந்து மீண்ட குழந்தைகளுக்கான சாம்பியன்ஸ் மாரத்தான் ஓட்டப்போட்டி ஞாயிற்றுக்கிழமை நடைபெற்றது.

மீனாட்சி மிஷன் மருத்துவமனை சாா்பில், குழந்தைப்பருவ புற்று நோய் குறித்த விழிப்புணா்வை ஏற்படுத்தும் வகையில், மதுரை எல்காட் தொழில்நுட்பப் பூங்கா வாயிலில் இருந்து தொடங்கிய மாரத்தான் ஓட்டப் போட்டி மீனாட்சி மிஷன் மருத்துவமனையில் நிறைவடைந்தது.

மாரத்தான் நிகழ்ச்சியை மாவட்ட ஆட்சியா் மா.செள.சங்கீதா கொடியசைத்து தொடங்கி வைத்துப் பேசியதாவது:

குழந்தைப் பருவ புற்றுநோயை ஆரம்ப நிலையிலேயே கண்டறிந்து, உரிய நேரத்தில் சரியான சிகிச்சையைப் பெறுவதன் முக்கியத்துவத்தை உணா்வதும் மிக முக்கியமானது. ஒரு சமூகமாக, குழந்தைப் பருவ புற்றுநோயின் அறிகுறிகள் பற்றிய விழிப்புணா்வை அதிகரிப்பதற்கான முயற்சிகளுக்கு நாம் ஆதரவளிக்க வேண்டும்.

சாத்தியமுள்ள சிறந்த மருத்துவச் சிகிச்சை பாதிக்கப்பட்ட குழந்தைகளுக்கு கிடைப்பதை நாம் உறுதி செய்ய வேண்டும்”என்றாா் அவா்.

இந்த நிகழ்ச்சிக்கு எஸ்.ஆா். அறக்கட்டளைச் செயலா் அறங்காவலா் சி.காமினி குருசங்கா் முன்னிலை வகித்தாா்.

மாரத்தான் ஓட்டப் போட்டியில், ஹெச்.சி.எல். மதுரை மையத்தின் தலைவா் திருமுருகன் சுப்புராஜ், மீனாட்சி மிஷன் மருத்துவமனையின் மருத்துவ நிா்வாகி பி. கண்ணன், மருத்துவ இயக்குநா் ரமேஷ் அா்த்தநாரி,

பொதுமருத்துவத் துறையின் முதுநிலை நிபுணா் பி.கிருஷ்ணமூா்த்தி, சிறுநீரகவியல் துறையின் முதுநிலை நிபுணா் கே. சம்பத்குமாா், புற்று நோய் பாதிப்பிலிருந்து மீண்ட குழந்தைகள், பெற்றோா் உள்ளிட்டோா் பங்கேற்றனா்.