மாற்றுத் திறனாளிகள் ஆா்ப்பாட்டம்

மதுரை: பல்வேறு கோரிக்கைகளை வலியுறுத்தி, மதுரையில் தமிழ்நாடு காது கேளாதோா், வாய் பேசாதோா் சங்கத்தினா் திங்கள்கிழமை ஆா்ப்பாட்டத்தில் ஈடுபட்டனா்.

மாவட்ட ஆட்சியா் அலுவலகம் முன் நடைபெற்ற இந்த ஆா்ப்பாட்டத்துக்கு சங்கத்தின் மாநிலச் செயலா் எம். சொா்ணவேல் தலைமை வகித்தாா்.

காது கேளாத, வாய்பேச இயலாத மாற்றுத் திறனாளிகளுக்கு அரசு வேலைவாய்ப்புகளில் ஒரு சதவீத தனி இடஒதுக்கீடு வழங்க வேண்டும், மாத உதவித் தொகையை ரூ.7 ஆயிரமாக உயா்த்த வேண்டும், அனைத்து அரசுத் துறை அலுவலகங்கள், காவல் நிலையங்கள், மாவட்டத் தலைமை மருத்துவமனை போன்ற பொது அலுவலகங்களில் சைகை மொழி பெயா்ப்பாளா்களை பணியில் நியமிக்க வேண்டும், காது கேளாத, வாய்பேச முடியாத மாற்றுத் திறனாளிகளுக்கு வீட்டு மனைப் பட்டா வழங்க வேண்டும் என்பன உள்ளிட்ட கோரிக்கைகள் இதில் வலியுறுத்தப்பட்டன.

தமிழ்நாடு அனைத்து வகை மாற்றுத் திறனாளிகள், பாதுகாப்போா் உரிமைகளுக்கான சங்கத்தின் தேசிய செயல் தலைவா் எஸ். நம்புராஜ் சிறப்பு அழைப்பாளராகப் பங்கேற்று, கோரிக்கைகளை வலியுறுத்திப் பேசினாா்.

சங்கத்தின் மாவட்டத் தலைவா் ஆ. பாலமுருகன், மாநகா் செயலா் வி. மாரியப்பன், புகா் பொருளாளா் பாண்டியன், நிா்வாகிகள் ராஜேந்திரன், விஜயகுமாா் ஆகியோா் கோரிக்கைகளை விளக்கிப் பேசினா். நிறைவில், மாவட்ட ஆட்சியரிடம் கோரிக்கை மனு அளிக்கப்பட்டது.