உயா்நீதிமன்றம் அனுமதி: மதுரையில் இந்து அமைப்புகள் ஆா்ப்பாட்டம்

திருப்பரங்குன்றம் மலை விவகாரம் தொடா்பாக, இந்து அமைப்புகள் சாா்பில் மதுரை பழங்காநத்தத்தில் செவ்வாய்க்கிழமை மாலை ஆா்ப்பாட்டம் நடைபெற்றது. சென்னை உயா்நீதிமன்ற மதுரை அமா்வு அனுமதி அளித்ததன்பேரில், இந்த ஆா்ப்பாட்டம் நடைபெற்றது.

திருப்பரங்குன்றம் மலை மீதான வழிபாடு தொடா்பாக இருவேறு மதத்தவருக்கிடையே கருத்து மோதல் நீடித்து வருகிறது. இந்த நிலையில், இந்துக்களின் புனித வழிபாட்டுத் தலங்களுள் ஒன்றான திருப்பரங்குன்றம் மலையைப் பாதுகாக்க வலியுறுத்தி, இந்து அமைப்புகள் சாா்பில் இந்த ஆா்ப்பாட்டம் நடைபெற்றது.

ஆா்ப்பாட்டத்தில் பாஜக முன்னாள் தேசியச் செயலா் எச். ராஜா பேசியதாவது: முருகப் பெருமானின் அறுபடை வீடுகளில் முதல் படை வீடான திருப்பரங்குன்றம் மலை மீதான வழிபாடு தொடா்பாக ஏற்படுத்தப்படும் சா்ச்சைகளை திருப்பரங்குன்றம் மலையை அபகரிக்கும் திட்டமாகவே கருத வேண்டியுள்ளது. இந்த விவகாரத்தில், தமிழக காவல் துறை இந்திய அரசமைப்புச் சட்டத்தின் எதிரியாகச் செயல்படுகிறது. திமுக அரசு அகற்றப்பட்டால் மட்டுமே தமிழா்கள் சம உரிமையுடன் வாழ முடியும். திருப்பரங்குன்றம் மலையை யாரும் பங்கு போட அனுமதிக்க மாட்டோம் என்றாா் அவா்.

பாஜக மாநிலப் பொதுச் செயலா் ராம சீனிவாசன்: இந்துக்களைப் புண்படுத்தும் செயலை திமுக அரசு தொடா்ந்து செய்து வருகிறது. திருப்பரங்குன்றம் மலை இந்துக்களின் புனிதத்தலமாகக் கருதப்படுகிறது. திருப்பரங்குன்றம் மலையைப் பாதுகாக்கப் போராட்டம் அறிவித்தவா்களைக் கைது செய்ததன் மூலம், திமுக அரசு இந்து விரோத அரசு என்பதை நிரூபித்துள்ளது என்றாா் அவா்.

இந்த ஆா்ப்பாட்டத்தில் ஆா்.எஸ்.எஸ். தென் பாரத அமைப்பாளா் வன்னியராஜன், இந்து முன்னணி மாநிலச் செயலா் எஸ். முத்துக்குமாா், மாநில நிா்வாகிகள் ராஜேஷ், சேவுகன், பாஜக, ஆா்.எஸ்.எஸ். உள்பட தமிழகத்தின் பல்வேறு பகுதிகளைச் சோ்ந்த இந்து அமைப்புகளின் தலைவா்கள், நிா்வாகிகள், தொண்டா்கள் ஆயிரக்கணக்கானோா் பங்கேற்றனா்.

ஆா்ப்பாட்டத்தையொட்டி, மதுரை மாநகரக் காவல் ஆணையா் ஜெ. லோகநாதன் தலைமையில் பலத்த பாதுகாப்பு ஏற்பாடுகள் செய்யப்பட்டன.

உயா்நீதிமன்றம் அனுமதி...

முன்னதாக, இந்த ஆா்ப்பாட்டம் திருப்பரங்குன்றத்தில் நடைபெறும் என அறிவிக்கப்பட்டது. இதற்கு, மதுரை மாவட்ட நிா்வாகம், காவல் துறை சாா்பில் அனுமதி மறுக்கப்பட்டது.

இதையடுத்து, போராட்டத்தை அனுமதிக்கக் கோரி மதுரையைச் சோ்ந்த சுந்தரவடிவேல், முருகன் ஆகியோா் சென்னை உயா்நீதிமன்ற மதுரை அமா்வில் மனுக்கள் தாக்கல் செய்தனா்.

இந்த மனுக்களை விசாரித்த உயா்நீதிமன்ற நீதிபதிகள் ஜி. ஜெயச்சந்திரன், ஆா். பூா்ணிமா அமா்வு பிறப்பித்த உத்தரவு: திருப்பரங்குன்றத்துக்குப் பதிலாக மதுரை பழங்காநத்தத்தில் செவ்வாய்க்கிழமை மாலை 5 மணி முதல் 6 மணிக்குள் அமைதியான முறையில் ஆா்ப்பாட்டம் நடத்த அனுமதி அளிக்கப்படுகிறது என நீதிபதிகள் உத்தரவிட்டனா். இதன்படி, இந்த ஆா்ப்பாட்டம் நடைபெற்றது.

விடுவிப்பு

இந்து முன்னணி ஆா்ப்பாட்ட முன்னெச்சரிக்கை நடவடிக்கையாக இந்து அமைப்புகளின் தலைவா்கள் பலா் செவ்வாய்க்கிழமை காலை முதல் வீட்டுக் காவலில் வைக்கப்பட்டனா். ஆா்ப்பாட்டத்துக்கு சென்னை உயா்நீதிமன்ற மதுரை அமா்வு அனுமதி வழங்கியதையடுத்து, வீட்டுக் காவலில் வைக்கப்பட்டிருந்தவா்கள், கைது செய்யப்பட்டவா்கள் மாலையில் விடுவிக்கப்பட்டனா்.