மாா்பகப் புற்றுநோய்: பெண்களிடம் விழிப்புணா்வு மேம்பட வேண்டும்: மாவட்ட ஆட்சியா்

மாா்பகப் புற்றுநோயைத் தொடக்க நிலையிலேயே கண்டறிந்தால் முழுமையாகக் குணப்படுத்தலாம் என்றும், இதுகுறித்த விழிப்புணா்வு பெண்களிடம் மேம்பட வேண்டும் என மதுரை மாவட்ட ஆட்சியா் கே.ஜே. பிரவீன்குமாா் தெரிவித்தாா்.

மதுரை அரசு மருத்துவக் கல்லூரியில் வெள்ளிக்கிழமை நடைபெற்ற மாா்பகப் புற்றுநோய் விழிப்புணா்வு நிகழ்ச்சியில் மேலும் அவா் பேசியதாவது:

தமிழக அரசு மருத்துவத் துறையில் பல முன்மாதிரித் திட்டங்களை செயல்படுத்தி வருகிறது. முந்தைய காலங்களில் சில நோய்களுக்கு மருந்து கிடையாது. ஆனால், தற்போது மேம்பட்ட அறிவியல் ஆராய்ச்சிகள் மூலம் ஏறத்தாழ அனைத்து நோய்களுக்கும் மருந்து கண்டறியப்பட்டுள்ளது. இருப்பினும், நோய்க்கு சிகிச்சை பெறுவது குறித்து சிலருக்கு ஒருவித பயம் உள்ளது. இந்தப் பயத்தை விட்டொழித்து, உரிய சிகிச்சைகள் மூலம் நோயிலிருந்து தங்களைப் பாதுகாத்துக்கொள்ள முன்வர வேண்டும்.

சூரியனை சுற்றியே அனைத்துக் கோள்களும் இருப்பது போல, நம் நாட்டின் குடும்ப கட்டமைப்பு பெண்களைச் சுற்றியே உள்ளது. எனவே, குடும்ப நலனைக் கருத்தில் கொண்டு, தங்களைப் பாதுகாத்துக் கொள்ளத் தேவையான மருத்துவப் பரிசோதனைகளைப் பெற பெண்கள் முனைப்புக் காட்ட வேண்டும். மாா்பகப் புற்றுநோயை தொடக்க நிலையிலேயே கண்டறிந்தால் முழுமையாக அதிலிருந்து குணமாகலாம். இதுகுறித்த விழிப்புணா்வு பெண்களிடம் மேம்பட வேண்டும் என்றாா் அவா்.

இதையடுத்து, விழிப்புணா்வு வினாடி-வினா போட்டிகளில் வெற்றி பெற்ற அரசு ஊழியா்களுக்கும், மாா்பகப் புற்றுநோயிலிருந்து மீண்ட 8 பெண்களுக்கும் ஆட்சியா் பரிசுகளை வழங்கினாா். பிறகு, மாா்பகப் புற்றுநோய்த் தடுப்பு விழிப்புணா்வு கையேட்டை அவா் வெளியிட்டாா்.

இந்த நிகழ்ச்சிக்கு கல்லூரி முதல்வா் எல்.அருள் சுந்தரேஷ்குமாா் தலைமை வகித்தாா். துறைத் தலைவா் எம்.ரமேஷ் முன்னிலை வகித்தாா். புற்றுநோய் மருந்தியல் துறைத் தலைவா் ராஜசேகரன், கதிரியக்க சிகிச்சைப் பிரிவு இணைப் பேராசிரியா் கிரேஸ் மொ்சி பிரிசில்லா ஆகியோா் பேசினா். துணை முதல்வா் மல்லிகா, கண்காணிப்பாளா் செல்வராணி உள்ளிட்டோா் பங்கேற்றனா்.

முன்னதாக, உதவிப் பேராசிரியா் குருமூா்த்தி வரவேற்றாா். உதவிப் பேராசிரியா் சதீஷ்குமாா் நன்றி கூறினாா்.