Enable Javscript for better performance
அரசுப் பேருந்து மீது கல்வீச்சு: ஒருவர் கைது- Dinamani

சுடச்சுட

    

    அரசுப் பேருந்து மீது கல்வீச்சு: ஒருவர் கைது

    By திருவாடானை  |   Published on : 14th October 2014 12:26 AM  |   அ+அ அ-   |    |  

    தொண்டி அருகே அரசுப் பேருந்து மீது கல்வீசி கண்ணாடியை சேதப்படுத்தியதாக ஒருவர் கைது செய்யபட்டார். மற்றொருவரை போலீஸார் தேடி வருகின்றனர்.

    திருவாடானை தாலுகா சோழியக்குடி கிராமத்தைச் சேர்ந்தவர் முனீஸ்வரன் (40). அதே ஊரைச் சேர்ந்த ராபர்ட் (35) ஆகிய இருவரும் ராமநாதபுரத்தில் இருந்து சிதம்பரம் செல்லும் அரசுப் பேருந்தில் பயணம் செய்துள்ளனர். அப்போது அவர்களது ஊர் வந்த போது பேருந்தை நிறுத்தும்படி கூறியுள்ளனர். ஆனால் பேருந்து நிற்காமல் சுமார் 5 கிலோ மீட்டர் தொலைவில் உள்ள தொண்டியில் நிறுத்தப்பட்டது.

    இதனால் ஆத்திரம் அடைந்த முனீஸ்வரன், ராபர்ட் இருவரும் மோட்டார் சைக்கிளில் பின் தொடர்ந்து வந்து வேலங்குடி கிராமத்தின் அருகே கிழக்கு கடற்கரை சாலையில் பேருந்து மீது கல் வீசி கண்ணாடியை சேதப்படுத்தினராம்.

    இது குறித்து பேருந்து ஓட்டுநர் சரவணக்குமார் புகாரின் பேரில் தொண்டி போலீஸார் வழக்குப் பதிந்து முனீஸ்வரனை கைது செய்து தப்பி ஓடிய ராபர்ட்டை தேடி வருகின்றனர்.

    kattana sevai