Enable Javscript for better performance
ராமநாதபுரத்தில் அரசு அலுவலர்களுக்கான விளையாட்டுப் போட்டிகள்: ஆட்சியர் துவக்கி வைத்தார்- Dinamani

சுடச்சுட

    

    ராமநாதபுரத்தில் அரசு அலுவலர்களுக்கான விளையாட்டுப் போட்டிகள்: ஆட்சியர் துவக்கி வைத்தார்

    By DIN  |   Published on : 24th March 2018 12:43 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    ராமநாபுரம் சீதக்காதி சேதுபதி விளையாட்டரங்கில், தமிழ்நாடு விளையாட்டு மேம்பாட்டு ஆணையத்தின் சார்பில் அரசு அலுவலர்களுக்கான விளையாட்டுப் போட்டிகளை, மாவட்ட ஆட்சியர் எஸ். நடராஜன் வெள்ளிக்கிழமை தொடக்கி வைத்தார்.
    அரசுத் துறைகளில் பணிபுரியும் அலுவலர்கள் மற்றும் பணியாளர்களுக்கு மனதளவில் புத்துணர்வு ஏற்படுத்துவதுடன், பிற துறை அலுவலர்களுடன் சகோதரத்துவத்தை உண்டாக்கும் விதமாக ஆண்டுதோறும் விளையாட்டுப் போட்டிகள் நடத்தப்பட்டு வருகின்றன. அதனடிப்படையில், ராமநாதபுரம் மாவட்டத்தில் பல்வேறு அரசுத் துறைகளில் பணிபுரியும் அரசு அலுவலர்களுக்கான விளையாட்டுப் போட்டிகளை, ஆட்சியர் எஸ். நடராஜன் தொடக்கி வைத்தார்.
    ஆண்கள், பெண்கள் என இரு பிரிவினருக்கும் தனித் தனியாக நடத்தப்பட்ட இந்த விளையாட்டுப் போட்டிகளில், முதல் 3 இடங்களைப் பெறுவோருக்கு சான்றிதழ்கள் வழங்கப்பட உள்ளன. மாவட்ட அளவிலான போட்டிகளில் வெற்றி பெறுவோருக்கு மாநில அளவிலான போட்டிகளில் பங்கேற்க அனுப்பி வைக்கப்படுவர்.
    தொடக்க விழாவில், பரமக்குடி சார்-ஆட்சியர் பி. விஷ்ணு சந்திரன், மாவட்ட விளையாட்டு அலுவலர் பிராங்பால் ஜெயசீலன், உதவி ஆட்சியர் (பயிற்சி) மணிராஜ் உள்பட அரசுத் துறைகளைச் சார்ந்த அலுவலர்கள், பணியாளர்கள் பலரும் கலந்துகொண்டனர்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai