Enable Javscript for better performance
ராமநாதபுரம் நகராட்சி ஆணையர் காத்திருப்போர் பட்டியலுக்கு மாற்றம்- Dinamani

சுடச்சுட

    

    ராமநாதபுரம் நகராட்சி ஆணையர் காத்திருப்போர் பட்டியலுக்கு மாற்றம்

    By DIN  |   Published on : 14th August 2019 09:19 AM  |   அ+அ அ-   |    |  

    ராமநாதபுரம் நகராட்சி ஆணையர் கே.சுப்பையா  செவ்வாய்க்கிழமை திடீரென மாற்றப்பட்டு, காத்திருப்போர் பட்டியலில் வைக்கப்பட்டுள்ளார். அவருக்குப் பதிலாக கோவை மாநகராட்சி பயிற்சி மைய அதிகாரி விஸ்வநாதன் ராமநாதபுரம் நகராட்சி ஆணையராக நியமிக்கப்பட்டுள்ளார்.
    மதுரை திருநகரைச் சேர்ந்தவர் கே.சுப்பையா. இவர் உசிலம்பட்டி நகராட்சி ஆணையராக இருந்து கடந்த மார்ச் மாதம் ராமநாதபுரம் நகராட்சி ஆணையராக இடமாற்றம் செய்யப்பட்டார். அவர் ஆணையராக பொறுப்பேற்ற போது முதல் நிலை அந்தஸ்தில் ராமநாதபுரம் நகராட்சி இருந்தது. இந்நிலையில், ராமநாதபுரம் நகராட்சியானது சிறப்பு நிலை அந்தஸ்துக்கு தரம் உயர்த்தப்பட்டது.  இதனால் அதற்கான தகுதி நிலை அதிகாரி ஒருவரே ராமநாதபுரம் நகராட்சிக்கு நியமிக்கப்படலாம் என்று கூறப்பட்டது. 
    இந்நிலையில்,  ராமநாதபுரம் நகராட்சி ஆணையராக இருந்த கே.சுப்பையா மாற்றப்பட்டு அவருக்குப் பதிலாக கோவை பகுதியைச் சேர்ந்த விஸ்வநாதன், ராமநாதபுரம் சிறப்பு நிலை நகராட்சி ஆணையராக நியமிக்கப்பட்டுள்ளார் என நகராட்சி நிர்வாக உயரதிகாரிகள் தெரிவித்தனர். நகரில் சாலை ஆக்கிரமிப்பு அகற்றம்  உள்ளிட்ட பல்வேறு பிரச்னைகளில் சுப்பையா மீது சர்ச்சைகள் எழுந்தன. அதனடிப்படையில் அவர் மாற்றப்பட்டு, காத்திருப்போர் பட்டியலுக்கு மாற்றப்பட்டதாகவும் கூறப்படுகிறது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai