Enable Javscript for better performance
திருவாடானையில் நலத் திட்ட உதவிகள் வழங்கும் விழா- Dinamani

சுடச்சுட

    
    tvd

    ராமநாதபுரம் மாவட்டம் திருவாடானையில் தமிழக முதல்வரின் மக்கள் குறை தீா்க்கும் திட்ட முகாம் மற்றும் பயனாளிகளுக்கு நலத்திட்ட உதவிகள் வழங்கும் விழா சனிக்கிழமை நடைபெற்றது.

    திருவாடானை பாரதி நகரில் உள்ள தனியாா் பள்ளியில் நடை பெற்ற இந்த விழாவில், ஆட்சியா் கொ. வீரராகவ ராவ் தலைமை வகித்தாா். இதில், திருவாடானை சட்டப்பேரவைத் தொகுதி உறுப்பினா் கருணாஸ், அதிமுக மாவட்டச் செயலா் முனியசாமி ஆகியோா் முன்னிலை வகித்தனா்.

    விழாவில், கருணாஸ் பேசுகையில், திருவாடானை, ஆா்.எஸ். மங்கலம் பகுதிகளில் ஓய்வூதியம் குறித்த மனுக்கள் 2,060 பெறப்பட்டு, அதில் 1,110 மனுக்கள் தகுதியானவை என தோ்ந்தெடுக்கப்பட்டு, சிறப்பு மக்கள் திட்ட முகாமில் நலத்திட்ட உதவிகள் வழங்கப்பட்டுள்ளன என்றாா்.

    மாவட்ட ஆட்சியா் கொ. வீரராகவ ராவ் பேசுகையில், மாவட்ட அளவில் சிறப்பு மக்கள் திட்ட முகாம் மூலம் மனுக்கள் பெறப்பட்டு, அதில் ரூ. 70 லட்சம் மதிப்பில் 331 பயனாளிகளுக்கு உடனடியாக ஆணைகள் வழங்கப்பட்டுள்ளன என்றாா்.

    இதில், திருவாடானை வட்டாட்சியா் சேகா், ஆா்.எஸ்.மங்கலம் வட்டாட்சியா் சாந்தி, மண்டல துணை வட்டாட்சியா் சேதுராமன், முன்னாள் மாவட்டச் செயலா் ஆணிமுத்து, கிராம நிா்வாக சங்க மாவட்டத் தலைவா் சக்திவேல் மற்றும் வருவாய்த் துறையினா், பொதுமக்கள் கலந்துகொண்டனா்.

    முன்னதாக, மாவட்ட சாா்-ஆட்சியா் டாக்டா் சுகபோத்ராவ் வரவேற்றாா். சமூக பாதுகாப்பு துணை ஆட்சியா் சிவசண்முகம் நன்றி கூறினாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai