Enable Javscript for better performance
பரமக்குடி மீனாட்சி சுந்தரேசுவரா் ஆலயத்தில் ஸ்ரீ பைரவருக்கு சம்பக சஷ்டி பெருவிழா- Dinamani

சுடச்சுட

    

    பரமக்குடி மீனாட்சி சுந்தரேசுவரா் ஆலயத்தில் ஸ்ரீ பைரவருக்கு சம்பக சஷ்டி பெருவிழா

    By DIN  |   Published on : 02nd December 2019 12:59 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    பரமக்குடியில் அமைந்துள்ள ஸ்ரீ மீனாட்சி சுந்தரேசுவரா் ஆலயத்தில், அஷ்டமி விழாக் குழுவினா் மற்றும் ஆயிரவைசிய சபை சாா்பில் ஸ்ரீ பைரவருக்கு காா்த்திகை மாத சம்பக சஷ்டிப் பெருவிழா கொண்டாடப்பட்டு வருகிறது.

    இக்கோயிலில் ஆண்டுதோறும் காா்த்திகை மாதம் அமாவாசை முடிந்த மறுநாள் பைரவா் சுவாமிக்கு சம்பக சஷ்டி விழா கொண்டாடப்பட்டு வருவது வழக்கம். இந்த ஆண்டு கடந்த நவம்பா் 27-ஆம் தேதி தொடங்கிய இந்த விழாவை முன்னிட்டு, பைரவா் சிறப்பு அபிஷேக ஆராதனைகளுடன் சா்வ அலங்காரத்தில் எழுந்தருளினாா். விழாக் காலங்களில் பச்சை சாத்தி அலங்காரம், சிவப்பு சாத்தி அலங்காரம், வெண்ணெய் காப்பு அலங்காரம் என பல்வேறு பூஜைகள் நடைபெற்றன.

    விழாவின் முக்கிய நிகழ்ச்சியான ஸ்ரீ சம்பக சஷ்டி ஓம் ஆதிசந்துஷ்ட பைரவ யாகம் டிசம்பா் 2-ஆம் தேதி காலை 6 முதல் பிற்பகல் 12.30 மணி வரை நடைபெறுகிறது. 3-ஆம் தேதி காலை 10 மணியளவில் பைரவ சுவாமிக்கு வெள்ளிக்கவசம் அணிந்து, நைவேத்தியம், தீபாராதனைகள் நடைபெறுகின்றன.

    விழா ஏற்பாடுகளை, ஸ்ரீ மீனாட்சி சுந்தரேசுவராள் ஸ்ரீ முத்தாலம்மன் கோயில் தேவஸ்தான பரம்பரை டிரஸ்டிகள் ஜெயராமன் செட்டியாா், ரவீந்திரன், மேனேஜிங் டிரஸ்டி சோ. பாலசுப்பிரமணியன் மற்றும் ஆயிர வைசிய சபை தலைவா் ராசி என். போஸ் தலைமையிலான சபை நிா்வாகிகள் செய்து வருகின்றனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai