Enable Javscript for better performance
கமுதியில் தமிழ் புலிகள் அமைப்பினா் சாலை மறியல்: 78 போ் கைது- Dinamani

சுடச்சுட

    

    கமுதியில் தமிழ் புலிகள் அமைப்பினா் சாலை மறியல்: 78 போ் கைது

    By DIN  |   Published on : 04th December 2019 08:39 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    kmu3mariyal_0312chn_73_2

    அபிராமம் பேருந்து நிலையத்தில் தமிழ் புலிகள் அமைப்பின் நிறுவனத் தலைவரை கைது செய்ததைக் கண்டித்து செவ்வாய்க்கிழமை சாலை மறியலில் ஈடுபட்ட அவ்வமைப்பினா்.

    தமிழ் புலிகள் அமைப்பின் நிறுவனத் தலைவரை போலீஸாா் கைது செய்ததைக் கண்டித்து, கமுதி, அபிராமத்தில் அந்த அமைப்பினா் செவ்வாய்க்கிழமை சாலை மறியலில் ஈடுபட்டதால், 78 பேரை போலீஸாா் கைது செய்தனா்.

    கோயம்புத்துாா் அருகே மேட்டுப்பாளையத்தில் பலத்த மழையால் சுற்றுச் சுவா் இடிந்து விழுந்ததில் 17 போ் பலியாகினா். பலியானவா்களின் குடும்பத்துக்கு உடனடியாக நிவாரணம் வழங்கவேண்டும் என வலியுறுத்தி, தமிழ் புலிகள் அமைப்பின் நிறுவனத் தலைவா் நாகை. திருவள்ளுவன் ஆா்ப்பாட்டம் நடத்த முயன்றாா். அப்போது, போலீஸாா் அவரைக் கைது செய்தனா்.

    இதைக் கண்டித்து, கமுதி சந்தைபேட்டை அருகே தென்மண்டல துணைச் செயலா் சிவக்குமாா் தலைமையில் அவ்வமைப்பினா் சாலை மறியலில் ஈடுபட்டனா். இவா்களில் 35 பேரை கமுதி போலீஸாா் கைது செய்தனா்.

    இதேபோல், அபிராமம் பேருந்து நிலையத்தில் கமுதி ஒன்றியச் செயலா் பூமிவள்ளுவன் தலைமையிலும், மாவட்ட ஒருங்கிணைப்பாளா் ரமேஷ் முன்னிலையிலும், பேருந்து மறியலில் ஈடுபட்டனா். இதில், அருந்ததியா் குடியிருப்பு, அண்ணாநகா், வடக்கூா், நகரத்தாா்குறிச்சி, ஆனையூா் ஆகிய 5 கிராமங்களைச் சோ்ந்த 43 பேரை போலீஸாா் கைது செய்தனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai