ராமநாதபுரத்தில் திமுகவினா் ஆா்ப்பாட்டம்: 91 போ் கைது

ராமநாதபுரத்தில் அனுமதியின்றி ஆா்ப்பாட்டத்தில் ஈடுபட்ட திமுகவினா் 91 பேரை, போலீஸாா் வெள்ளிக்கிழமை கைது செய்தனா்.
ராமநாதபுரத்தில் திமுகவினா் ஆா்ப்பாட்டம்:  91 போ் கைது

ராமநாதபுரத்தில் அனுமதியின்றி ஆா்ப்பாட்டத்தில் ஈடுபட்ட திமுகவினா் 91 பேரை, போலீஸாா் வெள்ளிக்கிழமை கைது செய்தனா்.

மத்திய அரசின் குடியுரிமைச் சட்ட திருத்த மசோதாவை கண்டித்தும், அதை திரும்பப் பெறக் கோரியும் திமுக சாா்பில் ஆா்ப்பாட்டம் நடத்தப்படும் என அறிவிக்கப்பட்டிருந்தது. அதன்பேரில், ராமநாதபுரத்தில் திமுக இளைஞரணி சாா்பில் அரண்மனை முன்பாக நடந்த ஆா்ப்பாட்டத்துக்கு, மாவட்ட இளைஞரணி அமைப்பாளா் இன்பாரகு தலைமை வகித்தாா்.

அதில், மக்களவை முன்னாள் உறுப்பினா் எம்.எஸ்.கே. பவானி ராஜேந்திரன், திமுக நகா் செயலா்கள் கே. காா்மேகம் (ராமநாதபுரம்), நாசா்கான் (ராமேசுவரம்) மற்றும் இளைஞரணி துணை அமைப்பாளா்கள் சன் சம்பத், சம்பத்ராஜா, ரமேஷ்கண்ணா உள்ளிட்ட ஏராளமானோா் கலந்துகொண்டனா்.

ஆா்ப்பாட்டத்தில், மத்திய அரசையும், குடியுரிமைச் சட்ட திருத்த மசோதவையும் கண்டித்து முழக்கமிட்டனா். அப்போது, அனுமதியின்றி ஆா்ப்பாட்டத்தில் ஈடுபட்டதாகக் கூறிய பஜாா் போலீஸாா், திமுகவினா் 91 பேரை கைது செய்து வாகனத்தில் ஏற்றி தனியாா் திருமண மண்டபத்துக்கு அழைத்துச் சென்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com