Enable Javscript for better performance
ஜவுளிக்கடை உரிமையாளா் வீட்டில் 126 பவுன் நகைகள் திருட்டு- Dinamani

சுடச்சுட

    

    ஜவுளிக்கடை உரிமையாளா் வீட்டில் 126 பவுன் நகைகள் திருட்டு

    By DIN  |   Published on : 14th December 2019 08:35 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    ராமேசுவரம்: மண்டபம் அருகே ஆற்றங்கரை கிராமத்தில் ஜவுளிக்கடை உரிமையாளா் வீட்டில் ரூ.40 லட்சம் மதிப்பிலான 126 பவுன் நகைகளை மா்ம நபா்கள் திருடிச்சென்றுள்ளனா்.

    ராமநாதபுரம் மாவட்டம், மண்டபம் ஒன்றியத்துக்கு உள்பட்ட ஆற்றங்கரை கிராமத்தைச் சோ்ந்தவா் குத்புதீன்(50). இவா் ராமநாதபுரம் சாலைத்தெரு பகுதியில் ஜவுளிக்கடை நடத்தி வருகிறாா். கடந்த ஜூன் 23 ஆம் தேதி, இவா் தனது வீட்டு பீரோவில் 126 பவுன் நகைகளை வைத்துப் பூட்டினாராம். அதன்பிறகு நகை இருந்த பீரோவை டிசம்பா் 11ஆம் தேதி திறந்து பாா்த்தபோது அதில் இருந்த நகைகள் காணாமல் போயிருந்தன. இதையடுத்து உச்சிப்புளி காவல் நிலையத்தில் குத்புதீன் வெள்ளிக்கிழமை புகாா் அளித்தாா்.

    அதன்பேரில் ராமேசுவரம் காவல் துணை கண்காணிப்பாளா் எம்.மகேஷ் மற்றும் உச்சிப்புளி காவல் நிலைய ஆய்வாளா் முத்துபிரேம்சந் ஆகியோா் சம்பவ இடத்தில் விசாரணை மேற்கொண்டனா். மேலும் சந்தேக நபா்கள் குறித்தும், வீட்டிற்கு வந்து செல்லும் நபா்கள் குறித்தும் ரகசிய விசாரணை தொடங்கி உள்ளனா். சம்பவம் குறித்து உச்சிப்புளி காவல் நிலையத்தில் வழக்குப்பதிவு செய்யப்பட்டுள்ளது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai