கடலாடியில் அறிவியல் இயக்க மாநாடு
By DIN | Published On : 24th June 2019 07:24 AM | Last Updated : 24th June 2019 07:24 AM | அ+அ அ- |
கடலாடியில் காமராஜர் மெட்ரிக். பள்ளி வளாகத்தில் தமிழ்நாடு அறிவியல் இயக்க ஒன்றிய மாநாடு சனிக்கிழமை நடைபெற்றது.
மாநாட்டுக்கு காமராஜர் மெட்ரிக் பள்ளித் தாளாளர் முனியசாமி தலைமை வகித்தார். பள்ளி முதல்வர் தமிழ்ச்செல்வி, மாவட்டச் செயலரும், ஓய்வு பெற்ற ஆசிரியருமான நவநீதகிருஷ்ணன், ஒன்றியச் செயலர் கண்ணன் ஆகியோர் முன்னிலை வகித்தனர். கடலாடி அரசு கல்லூரி விரிவுரையாளர் நீரா.பொன்முத்து வாழ்த்திப் பேசினார்.
மாநாட்டில் ஒன்றிய புதிய நிர்வாகிகள் தேர்வு செய்யப்பட்டனர். இதில் தலைவராக முனியசாமி, செயலராக கண்ணன், பொருளாளராக சுரேந்தர், துணைத் தலைவராக நீரா.பொன்முத்து, துணைச் செயலராக மகாலெட்சுமி ஆகியோர் தேர்ந்தெடுக்கப்பட்டனர். முன்னதாக மாவட்ட ஒருங்கிணைப்பாளர் சுரேந்தர் வரவேற்றார். உடற்கல்வி ஆசிரியர் முத்துமணி நன்றி கூறினார்.
