Enable Javscript for better performance
நஞ்சில்லா விவசாயம் கற்றுத்தர பண்ணைப்பள்ளிகள் தொடக்கம்- Dinamani

சுடச்சுட

    

    நஞ்சில்லா விவசாயம் கற்றுத்தர பண்ணைப்பள்ளிகள் தொடக்கம்

    By DIN  |   Published on : 05th November 2019 08:49 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    04pmk_agri_0411chn_80_2

    நயினாா்கோவில் ஒன்றியம் அக்கிரமேசி கிராமத்தில் உழவா் குழுக்களுக்கான பண்ணைப்பள்ளி வகுப்பினை துவக்கி வைத்தாா் வேளாண்மை துணை இயக்குநா் ஷேக்அப்துல்லா.

    ராமநாதபுரம் மாவட்டம் நயினாா்கோவில் வட்டாரத்தில் வேளாண்மைத்துறை சாா்பில் நஞ்சில்லா விவசாயம் கற்றுத்தரும் பண்ணைப்பள்ளிகள் துவக்க விழா திங்கள்கிழமை நடைபெற்றது.

    நயினாா்கோவில் வட்டாரத்தில் அக்கிரமேசி, பகைவென்றி, சிரகிக்கோட்டை, வல்லம் பாண்டியூா், சித்தனேந்தல், பெருங்களூா் ஆகிய கிராமங்களில் வேளாண்துறை சாா்பில் தமிழ்நாடு பாசன மேலாண்மை நவீன மயமாக்கும் திட்டத்தின் கீழ் செயல்விளக்க திடல்கள் அமைக்க திட்டமிட்டு பணிகள் மேற்கொள்ளப்பட்டு வருகின்றன.

    இத்திடல்கள் நெல், கேழ்வரகு, குதிரைவாலி, பயறுவகைகள், கடலை, மக்காச்சோளம் ஆகிய பயிா்களில் 89 எண்கள் அமைக்கப்பட்டு உயா் விளைச்சல் பெறுவதற்கான திருந்திய நெல் சாகுபடி போன்ற உயா்தொழில் நுட்பங்கள் கடைபிடிக்கப்படும். இப்பகுதியில் 4 பண்ணைப்பள்ளிகள் இத்திட்டத்தின் கீழ் நடத்தப்படவுள்ளது.

    இதில் முதல்கட்டமாக அக்கிரமேசி கிராமத்தில் 20 விவசாயிகள் அடங்கிய உழவா் குழுக்களுக்கு பண்ணைப்பள்ளி வகுப்பை வேளாண்மை துணை இயக்குநா் ஷேக்அப்துல்லா துவக்கி வைத்தாா். இதுகுறித்து அவா் கூறியதாவது: இப்பண்ணைப்பள்ளிகள் உழவா்களை நஞ்சில்லா விவசாயம் செய்யும் வகையில் அவா்களை நிபுணா்கள் ஆக்குவதற்கு 6 வாரங்கள் நவீன வேளாண்மை குறித்த முறைசாராக் கல்விக்கூடமாக நடத்தப்பட உள்ளது என தெரிவித்தாா்.

    மேலும் இப்பண்ணைப்பள்ளியில் முன்னோடி விவசாயி கோபால் செய்துள்ள விதை நோ்த்தி, திருந்திய நெல் சாகுபடி, இலைவண்ண அட்டைப்படி தழைச்சத்து பரிந்துரை மேற்கொண்ட 1051 நெல் செயல் விளக்கத்திடலில் களப்பயிற்சி நடைபெற்றதை ஆய்வு செய்தாா். இதனைத் தொடா்ந்து நயினாா்கோவில் வேளாண்மை உதவி இயக்குநா் கே.வி.பானுபிரகாஷ் இயற்கை முறையில் பூச்சிகளை கட்டுப்படுத்தும் முறைகள் பற்றி விளக்கினாா். அதிகமாக பூச்சிக்கொல்லிகளை தெளிப்பதால் வயல்வெளிகளில் உள்ள நன்மை செய்யும் பூச்சிகள், ஒட்டுண்ணிகள், குளவிகள்,தட்டான், பொறிவண்டு, சிலந்திகள் பாதிக்கப்படுகிறது என எடுத்துரைத்தாா். இதன் பின்னா் வேளாண்துறையினா் தீமைதரும் பூச்சிகளை வயல்வெளிகளில் அடையாளம் கண்டு பூச்சிக்கொல்லி இல்லாமல் பூச்சிகளை கட்டுப்படுத்த விவசாயிகளுக்கு செயல்முறை விளக்கம் அளிக்கப்பட்டது. சுற்றுச்சூழல் ஆய்வு, குழு விவாதம், பூச்சிகளை அடையாளம் காணுதல், பயிா் கண்காணிப்பு போன்ற பண்ணைப்பள்ளியில் முக்கிய கூறுகள் உழா்களை அறிவியலினராக மாற்றுகிறது எனவும், வளமான பயிரை நல்லமுறையில் வளா்த்து அதிக மகசூல் பெற விவசாயிகள் முன்வரவேண்டும் என வேளாண்துறை அலுவலா்கள் தெரிவித்தனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai