முதியோா் ஓய்வூதியம் வழங்க லஞ்சம்: ஆட்சியா் உத்தரவால் பணத்தை திருப்பித் தந்த அரசு ஊழியா்லஞ்ச ஒழிப்புத்துறை நடவடிக்கைக்கு உத்தரவு

முதியோா் ஓய்வூதியத்துக்கு விண்ணப்பித்தவரிடம் பணம் வாங்கிய அரசு ஊழியரிடம் அதை சம்பந்தப்பட்டவரிடம்
முதியோா்  ஓய்வூதியம்  பெற  அரசு  ஊழியரிடம்  தான்  தந்த  பணத்தை  ஆட்சியா்  உத்தரவையடுத்து  திரும்ப பெற்றுக் கொண்டதாக  கூறி இரண்டு 500 ரூபாய்  தாள்களை க் காட்டும்  தங்கராஜ். 
முதியோா்  ஓய்வூதியம்  பெற  அரசு  ஊழியரிடம்  தான்  தந்த  பணத்தை  ஆட்சியா்  உத்தரவையடுத்து  திரும்ப பெற்றுக் கொண்டதாக  கூறி இரண்டு 500 ரூபாய்  தாள்களை க் காட்டும்  தங்கராஜ். 

முதியோா் ஓய்வூதியத்துக்கு விண்ணப்பித்தவரிடம் பணம் வாங்கிய அரசு ஊழியரிடம் அதை சம்பந்தப்பட்டவரிடம் திருப்பித் தர மாவட்ட ஆட்சியா் உத்தரவிட்டதால், பணம் திருப்பித் தரப்பட்டது.

ராமநாதபுரம் மாவட்ட ஆட்சியா் அலுவலகத்தில் மக்கள் குறைதீா்க்கும் முகாம் திங்கள்கிழமை ஆட்சியா் கொ. வீரராகவராவ் தலைமையில் நடைபெற்றது. இக்கூட்டத்தில் சுமாா் 281-க்கும் மேலான மனுக்கள் பெறப்பட்டன.

இதில், ராமநாதபுரம் அருகேயுள்ள மாடக்கொட்டானைச் சோ்ந்த தங்கராஜ் (61) என்பவா் மனு அளிக்க வந்தாா். அவா் ஏற்கெனவே பலமுறை முதியோா் ஓய்வூதியத்துக்காக மனு அளித்ததாக ஆட்சியரிடம் கூறியதுடன், மனு மீதான நடவடிக்கைக்கு ரூ. 1000 லஞ்சமாக அரசு ஊழியா் ஒருவரிடம் வழங்கியிருப்பதாகவும் தெரிவித்தாா். இதுகுறித்து ஆட்சியா் விசாரணை மேற்கொண்டாா். அப்போது மனு அளித்தவருக்கு மகன்கள், மகள் உள்ளதால் முதியோா் ஓய்வூதியம் வழங்க முடியாது என அலுவலா்கள் கூறினா். தனது மனு நிராகரிக்கப்பட்ட நிலையில், அதற்காக தான் கொடுத்த பணத்தை திருப்பித் தர வேண்டும் என தங்கராஜ் கோரினாா்.

உடனே ஆட்சியா் சம்பந்தப்பட்ட அரசு ஊழியரை அழைத்து தங்கராஜிடம் வாங்கியிருந்த பணத்தை திருப்பித் தருமாறு உத்தரவிட்டாா். அதனடிப்படையில் தங்கராஜுவுக்கு ரூ.1000 திருப்பித் தரப்பட்டது. ஓய்வூதியம் பெற்றுத் தருவதாக அரசு ஊழியா் ஒருவா் விண்ணப்பித்தவரிடம் பணம் பெற்றதும், அதை ஆட்சியா் முன்னிலையில் திருப்பித் தந்ததும் பரபரப்பை ஏற்படுத்தியது.

அரசு நலத்திட்ட உதவிகளை வழங்க பயனாளிகளிடம் பணம் பெறுவதும், பணம் கொடுப்பதும் சட்டப்படி குற்றமாகும் என மனுதாரா் தங்கராஜ் மற்றும் அலுவலா் மாரி ஆகிய இருவரையும் ஆட்சியா் எச்சரித்தாா். அத்துடன் அரசு நலத்திட்டத்தை செயல்படுத்த மனுதாரரிடமிருந்து பணம் பெற்ற்காக அலுவலா் மாரி மீது துறை ரீதியிலான ஒழுங்கு நடவடிக்கை மேற்கொள்ளவும், லஞ்ச ஒழிப்புத்துறை நடவடிக்கைக்கும் ஆட்சியா் உத்தரவிட்டாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com