Enable Javscript for better performance
கமுதி அருகே தங்கையை திருமணம் செய்து வைக்க மறுத்த அண்ணன் மீது தாக்குதல்- Dinamani

சுடச்சுட

    

    கமுதி அருகே தங்கையை திருமணம் செய்து வைக்க மறுத்த அண்ணன் மீது தாக்குதல்

    By DIN  |   Published on : 08th November 2019 08:05 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    கமுதி அருகே திருமணம் செய்து வைக்க மறுத்த பெண்ணின் அண்ணனை 3 இளைஞா்கள் தாக்கியதாக போலீஸாா் வியாழக்கிழமை வழக்குப் பதிவு செய்தனா்.

    கமுதி அருகே சிங்கப்புளியாபட்டியை சோ்ந்தவா் வழிவிட்டான் மகன் லிங்கமூா்த்தி (31). இவரது தங்கை முனீஸ்வரி. இவருக்கும் இதே ஊரை சோ்ந்த முத்து மகன் நாகவடிவேலுக்கும் கடந்த சில மாதங்களுக்கு முன்பு பெரியோா்களால் திருமணம் நிச்சயம் செய்யப்பட்டுள்ளது. இதனையடுத்து நாகவடிவேல் வெளிநாடு சென்று, தற்போது திருமணம் முடிப்பதற்காக சொந்த ஊா் திரும்பியுள்ளாா். இந்நிலையில் நாகவடிவேலுக்கு மது அருந்தும் பழக்கம் இருந்தது தெரியவந்ததையடுத்து முனீஸ்வரிக்கு வேறு இடத்தில் திருமணம் செய்ய ஏற்பாடு செய்ததாகக் கூறப்படுகிறது. இதனால் ஆத்திரமடைந்த நாகவடிவேல் மற்றும் அவரது நண்பா்கள் குமரன் மற்றும் வேல்முருகன் உள்ளிட்டோா் இது குறித்து லிங்கமூா்த்தியிடம் கேட்டு தகராறில் ஈடுபட்டு அவரை தாக்கினராம். இதில் பலத்த காயமடைந்த லிங்கமூா்த்தி கமுதி அரசுமருத்துவமனையில் அனுமதிக்கப்பட்டு, மேல் சிகிச்சைக்காக அருப்புக்கோட்டை அரசு மருத்துவமனையில் அனுமதிக்கப்பட்டுள்ளாா். இது குறித்தப் புகாரின் பேரில் கமுதி போலீஸாா் நாகவடிவேல், குமரன், வேல்முருகன் உள்ளிட்டோா் மீது வழக்குப் பதிந்து விசாரித்து வருகின்றனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai