Enable Javscript for better performance
ராமநாதபுரத்தில் குடும்ப நல நீதிமன்றம் தொடக்கம்- Dinamani

சுடச்சுட

    
    rmdnewcourt_2711chn_67_2

    ராமநாதபுரம் மாவட்ட குடும்ப நல நீதிமன்ற தொடக்க விழா புதன்கிழமை மாலை நடைபெற்றது.

    ராமநாதபுரம் மாவட்ட நீதிமன்றம் கடந்த 1992 ஆம் ஆண்டு முதல் சேதுபதி நகா் பகுதியில் செயல்பட்டுவருகிறது. இந்நீதிமன்றத்தில் குடும்ப நலம் தொடா்பான வழக்குகள் மாவட்ட சாா்பு- நீதிமன்றத்திலேயே விசாரிக்கப்பட்டு வந்தன.

    இந்த நிலையில், திருமணப் பிரச்னை, ஜீவனாம்சம் உள்ளிட்ட குடும்பநலன் சாா்ந்த வழக்குகளை விசாரிக்க தனியாக குடும்ப நல நீதிமன்றம் தேவை என வழக்குரைஞா்கள் சங்கம் கோரி வந்தது. இதையடுத்து தற்போது குடும்ப நல நீதிமன்றம் செயல்பட அனுமதி வழங்கப்பட்டுள்ளது.

    மாவட்ட நீதிமன்ற வளாகத்தில் குடும்ப நல நீதிமன்றத் தொடக்க விழா புதன்கிழமை மாலையில் நடைபெற்றது.

    நிகழ்ச்சியில், மாவட்ட முதன்மை நீதிபதி ஆா்.சண்முகசுந்தரம் குடும்பநல நீதிமன்றத்தைத் தொடக்கிவைத்து சிறப்புரையாற்றினாா். நிகழ்ச்சியில் மாவட்ட மகளிா் நீதிமன்ற நீதிபதி டி.பகவதியம்மாள், ஆட்சியா் கொ.வீரராகவராவ், கூடுதல் காவல் கண்காணிப்பாளா் லயோலாஇக்னேசியஸ், மாவட்ட வழக்குரைஞா்கள் சங்கத் தலைவா் ஏ.ரவிச்சந்திரராமவன்னி, செயலா் நம்புராஜன் உள்ளிட்டோா் கலந்துகொண்டனா்.

    மாவட்ட சிறப்பு நீதிமன்ற (எஸ்.சி., எஸ்.டி. பிரிவு சட்ட வழக்குகள்) நீதிபதி வி.வி.தனியரசு வரவேற்றாா். குற்றவியல் நீதித்துறை நடுவா் ஏ.சுபத்ரா நன்றி கூறினாா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai