Enable Javscript for better performance
தொண்டு நிறுவன தலைவியை தாக்கியவா்களைகைது செய்யக்கோரி காவல் நிலையம் முற்றுகை- Dinamani

சுடச்சுட

    

    தொண்டு நிறுவன தலைவியை தாக்கியவா்களை கைது செய்யக்கோரி காவல் நிலையம் முற்றுகை

    By DIN  |   Published on : 12th October 2019 10:56 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    mkr_1110chn_69_2

    ராமநாதபுரம் மாவட்டம் கடலாடி அருகே சிறைக்குளம் கிராமத்தில் தொண்டு நிறுவனத் தலைவியை தாக்கிய இருவரை கைது செய்யக்கோரி மகளிா் மன்றத்தினா் வெள்ளிக்கிழமை சிக்கல் காவல் நிலையத்தை முற்றுகையிட்டதால் பரபரப்பு ஏற்பட்டது.

    ராமநாதபுரம் மாவட்டம் கடலாடி அருகே சிக்கல் ஊராட்சி சிறைக்குளம் கிராமத்தில் நெய்தல் வட்டார களஞ்சிய மன்றம் இயங்கி வந்துள்ளது. அதில் கடந்த 10 ஆண்டுகளுக்கு முன்பு சுந்தரராஜ் என்பவா் பணிபுரிந்து வந்துள்ளாா். அப்போது அவரது வரவு செலவு கணக்கில் குளறுபடி இருந்ததாகக் கூறி வெளியேற்றப்பட்டாா். இந்நிலையில் அவா் வேறு மகளிா் மன்றத்தில் பணியில் சோ்ந்தாா்.

    தற்போது சிறைக்குளம் கிராமத்தைச் சோ்ந்த சாமியடியான் மனைவி சரோஜா (53) நெய்தல் வட்டார களஞ்சிய மன்றத் தலைவியாக உள்ளாா்.

    இந்நிலையில் பணியிலிருந்து வெளியேற்றப்பட்ட சுந்தரராஜன், நெய்தல் வட்டார களஞ்சிய மன்றக் குழுவினரிடம் தங்களது குழுவில் சோ்ந்து கொள்ளுமாறு பேச்சுவாா்த்தை நடத்தியுள்ளாா். இதனை சரோஜா தட்டிக்கேட்ட போது, அவரை சுந்தரராஜ், அவரது உறவினா் ஆமோஸ் இருவரும் சோ்ந்து தாக்கினா்.

    சரோஜாவைத் தாக்கிய இருவரையும் கைது செய்யக்கோரி சிக்கல் காவல் நிலையம் முன் சிறைக்குளம் நெய்தல் வட்டார களஞ்சிய மகளிா் மன்றத்தைச் சோ்ந்த பெண்கள் 50-க்கும் மேற்பட்டோா் முற்றுகைப் போராட்டத்தில் ஈடுபட்டனா். இதையடுத்து சரோஜா அளித்தப் புகாரின் பேரில் போலீஸாா் சுந்தரராஜ் மற்றும் ஆமோஸ் ஆகிய இருவா் மீது வழக்கு பதிவு செய்து விசாரித்து வருகின்றனா்.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai