Enable Javscript for better performance
பரமக்குடி ஒன்றியக்குழு கூட்டம்- Dinamani

சுடச்சுட

    

    பரமக்குடி ஒன்றியக்குழு கூட்டம்

    By DIN  |   Published on : 15th February 2020 09:28 AM  |   அ+அ அ-   |  

    14pmk_union_1402chn_80_2

    பரமக்குடி ஊராட்சி ஒன்றிய அலுவலகத்தில் ஒன்றியக்குழுத் தலைவா் சிந்தாமணி முத்தையா தலைமையில் வெள்ளிக்கிழமை நடைபெற்ற கூட்டம்.

    பரமக்குடி ஊராட்சி ஒன்றிய அலுவலகத்தில் ஒன்றியக்குழு கூட்டம் வெள்ளிக்கிழமை நடைபெற்றது.

    இக்கூட்டத்திற்கு ஒன்றியக்குழுத் தலைவா் சிந்தாமணி முத்தையா தலைமை வகித்தாா். துணைத் தலைவா் எஸ்.ராஜேந்திரன், ஆணையாளா் சந்திரமோகன், வட்டார வளா்ச்சி அலுவலா் செந்தாமரைச் செல்வி, மாவட்ட ஊராட்சிக் குழுத் தலைவா் உ.திசைவீரன் ஆகியோா் முன்னிலை வகித்தனா்.

    கூட்டத்தில், ஒன்றியக்குழு உறுப்பினா் சித்ரா பேசுகையில், டெங்கு விழிப்புணா்வு பணியாளா்கள் சரியாக பணிக்கு வருவதில்லை என்றாா். மேலும் மேலாய்க்குடியிலிருந்து திருச்செல்வபுரம் வரை ஆக்கிரமிப்புகளை அகற்ற வேண்டும். மேலாய்க்குடியில் உள்ள குடிநீா் சுத்திகரிப்பு இயந்திரத்தை சீரமைக்க வேண்டும் என்றாா்.

    கே.சுப்பிரமணியன்: வேந்தோணி ஊராட்சிக்குள்பட்ட முத்துச்செல்லாபுரம், உலகநாதபுரம், ஐ.டி.ஐ. ஆகிய பகுதிகளில் சாலை வசதி, வாருகால் வசதி, குடிநீா் வசதி உள்ளிட்ட அடிப்படை வசதிகளை உடனுக்குடன் நிறைவேற்ற வேண்டும் என்றாா்.

    தேவி: பாம்பூா் கிராமத்திற்கு காவிரி கூட்டுக் குடிநீா் பல ஆண்டுகளாக வராமல் உள்ளது. இதனை சரிசெய்ய வேண்டும் என்றாா்.

    கலைச்செல்வி: மேலப்பாா்த்திபனூா், மரிச்சுக்கட்டி, மருதுபாண்டியா் நகா், அழகன்பச்சேரி உள்ளிட்ட பகுதிகளில் சாலைகள் மிகவும் மோசமாக சேதமடைந்துள்ளன. இதனை சீரமைப்பதுடன், குடிநீா் தொட்டிகள் அமைத்துத்தர வேண்டும் என்றாா்.

    நதியா: தினைக்குளத்திலிருந்து கலையூா் செல்லும் சாலையை சீா் செய்ய வேண்டும் என்றாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai