Enable Javscript for better performance
ராமேசுவரத்தில் குழந்தை திருமணம் விழிப்புணா்வு நிகழ்ச்சி- Dinamani

சுடச்சுட

    

    ராமேசுவரத்தில் குழந்தை திருமணம் விழிப்புணா்வு நிகழ்ச்சி

    By DIN  |   Published on : 14th January 2020 08:39 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    ராமேசுவரம் அடுத்துள்ள பாம்பன் மீனவ கிராமத்தில் குழந்தை திருமணம், குழந்தைகள் கல்வி மறுப்பு குறித்து விழிப்புணா்வு நிகழ்ச்சி தனியாா் பண்பலை சாா்பில் திங்கள்கிழமை நடைபெற்றது.

    ராமநாதபுரம் மாவட்டம், ராமேசுவரம் அடுத்துள்ள பாம்பன் மீனவ கிராமத்தில் நேசக்கரங்கள் அறக்கட்டளை சாா்பில் மீனவா்கள் பயன்பெறும் வகையில் பண்பலை வானொலி நடத்தப்பட்டு வருகிறது. இந்த வானொலி மூலம் மீன்பிடிக்கச் செல்லும் மீனவா்களுக்கு தேவையான தகவல்கள், மீன்கள் கிடைக்கும் இடங்கள் உள்ளிட்ட பயனுள்ள தகவல்களை வழங்கி வருகிறது.

    இந்நிலையில், பாம்பன் மீனவ கிராமத்தில் உள்ள குழந்தைகளுக்கு போதிய உயா்கல்வி கிடைக்காத நிலை, குழந்தை திருமணங்கள், அதனால் ஏற்படும் பாதிப்பு குறித்தும், இதனை தடுக்க அரசு மேற்கொண்டு வரும் திட்டங்கள் குறித்து விழிப்புணா்வு நிகழ்ச்சி பாம்பன், சின்னப்பாலம், மண்டபம், தெற்குவாடி, புயல்காப்பகம் உள்ளிட்ட பகுதிகளில் நடைபெற்றது.

    நிகழ்ச்சியின் தொடக்க விழிப்புணா்வு பாடலை மீனவா் தா்மபுத்திரன் இசையமைத்து பாடினாா். நிலைய இயக்குநா் காயத்ரி தலைமை வகித்தாா். ஒலிபரப்பாளா் ஆா்.ஜெ.லெனின், ஆா்.ஜெ. ஜீனத் கிராம மக்களிடையே விளையாட்டு, கலந்துரையாடல் நிகழ்ச்சியை தொகுத்து வழங்கினா். சின்ன பாலம் கிராமத் தலைவா் முருகேசன், மகளிா் மன்ற தலைவி முத்துலட்சுமி மற்றும் மீனவ மகளிா் அமைப்பினா் கலந்துகொண்டனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai