வங்கி ஊழியா்களுக்கு பழைய ஓய்வூதிய திட்டத்தை அமல்படுத்த வேண்டும் என்பது உள்ளிட்ட கோரிக்கைகளை வலியுறுத்தி, ராமநாதபுரத்தில் வங்கி ஊழியா்கள் சங்கங்களின் கூட்டமைப்பின் சாா்பில் வெள்ளிக்கிழமை மாலை ஆா்ப்பாட்டம் நடத்தப்பட்டது.
ராமநாதபுரம் ஸ்டேட் வங்கி கிளை முன்பாக நடைபெற்ற இந்த ஆா்ப்பாட்டத்துக்கு, வங்கி ஊழியா் சங்கங்களின் கூட்டமைப்பின் நிா்வாகி ராஜ்குமாா் தலைமை வகித்தாா். வங்கி அதிகாரிகள் சங்கத்தின் நிா்வாகி பரமேஸ்வரன் முன்னிலை வகித்தாா்.
ஆா்ப்பாட்டத்தில், வங்கி ஊழியா்களுக்கு 20 சதவிகிதம் ஊதிய உயா்வு அளிக்க வேண்டும். வாரத்தில் 5 நாள்கள் வேலை நாள்களாக அறிவிக்கப்பட வேண்டும். பழைய ஓய்வூதியத் திட்டத்தை மீண்டும் அமல்படுத்த வேண்டும். வங்கி ஊழியா்களுக்கு ஓய்வூதியம் உயா்த்தப்பட வேண்டும். குடும்ப ஓய்வூதியத்தை உயா்த்தவேண்டும். அதிகாரிகளின் பணி நேரத்தை வரையறுத்து நிா்ணயம் செய்ய வேண்டும். ஒரே மாதிரியான வேலைக்கு ஒரே மாதிரியான ஊதியம் வழங்க வேண்டும் என்பன உள்ளிட்ட கோரிக்கைகளை வலியுறுத்தி முழக்கமிட்டனா்.
இதில், வங்கி அதிகாரிகள், ஊழியா்கள் சங்க நிா்வாகிகள் உள்பட பலா் பங்கேற்றனா்.