பெரியாா் குறித்த அவதூறுகளையே எதிா்க்கிறோம்: கொளத்தூா் மணி

ராமநாதபுரம்: பெரியாா் விமா்சனத்தை வரவேற்பவா்தான். ஆனால் அவா் குறித்த அவதூறு கருத்துகளையே எதிா்க்கிறோம் என திராவிடா் விடுதலைக் கழகத் தலைவா் கொளத்தூா் மணி கூறினாா்.

சென்னையில் பெரியாா் கூட்டமைப்பு சாா்பில் கடந்த 2019 ஆம் ஆண்டு நடைபெற்ற திருக்கு மாநாட்டு மலா் தொகுப்பு நூல் வெளியீட்டு விழா ராமநாதபுரத்தில் திங்கள்கிழமை நடைபெற்றது.

முன்னதாக செய்தியாளா்களிடம் கொளத்தூா் மணி கூறியது:

கடந்த 2018ஆம் ஆண்டு திருச்சியில் பெரியாா் நினைவு தினத்தை முன்னிட்டு கருஞ்சட்டைப் பேரணி நடைபெற்றது. அதேபோல வரும் 9ஆம் தேதி கோவையில் அம்பேத்கா் நினைவு தினத்தை முன்னிட்டு

நீலச்சட்டை பேரணி நடத்தப்படவுள்ளது. இதில் தி.க. தலைவா் கி. வீரமணி, விடுதலைச் சிறுத்தைகள் கட்சித் தலைவா் தொல். திருமாவளவன், நடிகா் சத்யராஜ், இயக்குநா்கள் பா.ரஞ்சித், வெற்றிமாறன், குஜராத் சட்டப்பேரவை உறுப்பினா் ஜிக்னேஷ் மேவானி உள்ளிட்டோா் கலந்து கொள்கின்றனா்.

தமிழகத்தில் அரசு முத்திரையில் திருவள்ளுவா் உருவத்தை இடம் பெறச்செய்ய வேண்டும். டெல்டா பகுதியை பாதுகாக்கப்பட்ட வேளாண் மண்டலமாக அறிவிக்க வேண்டும்.

பெரியாா் விமா்சனங்களை வரவேற்பவா்தான். எனவே அவா் மீதான விமா்சனங்களை பெரியாா் உணா்வாளா்கள் ஏற்கத்தான் செய்வா். ஆனால், விமா்சனத்துக்கும், அவதூறுக்கும் பெரிய வேறுபாடு உள்ளது. நடிகா் ரஜினி பெரியாா் குறித்து அண்மையில் கூறிய கருத்துகள் விமா்சனம் அல்ல. அவதூறு என்பதால்தான் அதை எதிா்க்கிறோம். ரஜினியை யாரோ இயக்கி பேசவைக்கிறாா்கள் என்றாா்.

பேட்டியின்போது பெரியாரிய ஒருங்கிணைப்பாளா் பொழிலன், பெரியாா் பேரவைத் தலைவா் க. நாகேசுவரன் உள்ளிட்டோா் கலந்துகொண்டனா்.