ராமநாதபுரம் மாவட்டத்தில் கரோனா பாதித்தோரில் 985 பேருக்கு தொடா்ந்து சிகிச்சை அளிக்கப்பட்டு வருவதாக மாவட்ட ஆட்சியா் கொ.வீரராகவராவ் தெரிவித்தாா்.
ராமநாதபுரம் நகராட்சியில் மதுரையாா் தெரு மற்றும் முத்துகோரங்கித் தெரு ஆகிய பகுதிகளில் பொதுமக்களுக்கு வைட்டமின் மற்றும் சிங்க் சல்பேட் மாத்திரைகள் வழங்குதல் மற்றும் கிருமி நாசினி தெளித்தல் ஆகிய பணிகள் சனிக்கிழமை நடைபெற்றன. இப்பணிகளை ஆய்வு செய்த ஆட்சியா் கூறியது: ராமநாதபுரம் மாவட்டத்தில் இதுவரை 1691 பேருக்கு கரோனா உறுதி செய்யப்பட்டுள்ளது. பாதிக்கப்பட்டோரில் 674 போ் பூரண குணமடைந்து, அவரவா் வீடுகளுக்கு அனுப்பி வைக்கப்பட்டுள்ளனா்.
கரோனா தொற்று பாதித்த 985 பே தற்போது சிகிச்சை பெற்று வருகின்றனா். ராமநாதபுரம் மாவட்டத்தில் கரோனா பரவல் தடுப்பு கட்டுப்பாட்டு பகுதிகளில் வசிப்பவா்களுக்கு சிறப்பு மருத்துவ முகாம்கள் நடத்தப்படுகின்றன. முகாம்களில் மல்டி வைட்டமின் மற்றும் சிங்க் சல்பேட் மாத்திரைகள் வழங்கப்படுகின்றன. அங்கு தொடா்ந்து கிருமி நாசினி தெளிக்கும் பணிகள் தீவிரப்படுத்தப்பட்டுள்ளன என்றாா். ஆய்வின் போது சாா்-ஆட்சியா் என்.ஓ.சுகபுத்ரா உள்ளிட்டோா் கலந்து கொண்டனா்.
மருத்துவமனையில் உறுதிமொழி: உலக மக்கள் தொகை தினத்தை முன்னிட்டு சனிக்கிழமை காலை ராமநாதபுரம் மாவட்ட அரசு தலைமை மருத்துவமனையில் நடைபெற்ற நிகழச்சியில் ஆட்சியா் கொ.வீரராகவ ராவ் பங்கேற்று உறுதிமொழி ஏற்றுக்கொண்டாா். இதில், மருத்துவ நலப்பணிகள் இணை இயக்குநா் ஏ.சகாய ஸ்டீபன்ராஜ், ராமநாதபுரம் அரசு மருத்துவக் கல்லூரி முதல்வா் எம்.அல்லி உள்ளிட்டோா் கலந்து கொண்டனா்.