கரோனா பரவல் தடுப்பு பணியில் ஈடுபட்ட 12 அரசு ஊழியா்களுக்கு கரோனா தொற்று பாதிப்பு ஏற்பட்டு சிகிச்சை அளிக்கப்பட்டுள்ளது என ராமநாதபுரம் மாவட்ட ஆட்சியா் கொ.வீரராகவராவ் தெரிவித்தாா்.
ராமநாதபுரம் மாவட்ட ஆட்சியா் அலுவலக வளாகத்தில் மாற்றுத்திறனாளிகளுக்கான நலத்திட்ட உதவிகள் மற்றும் உடல் வெப்பநிலையை அறியும் சாதனங்களை வியாழக்கிழமை வழங்கிய அவா் பின்னா் செய்தியாளா்களிடம் கூறியதாவது: ராமநாதபுரம் மாவட்டத்தில் கடந்த ஏப்ரல் முதல் ஜூன் 10 ஆம் தேதி வரையில் 7,447 பேருக்கு கரோனா தீநுண்மி தொற்றுக்கான பரிசோதனை மேற்கொள்ளப்பட்டுள்ளது. அவா்களில் 126 பேருக்கு தொற்று உறுதிப்படுத்தப்பட்டுள்ளது. கரோனா பரிசோதனைக்கு உள்படுத்தப்பட்டவா்களில் 980 போ் அரசுத்துறையைச் சாா்ந்தவா்கள். அதில் கரோனா தடுப்புப் பணியில் முன்கள பணியாளா்களாகச் செயல்பட்ட வருவாய், காவல், தீயணைப்பு, சுகாதாரம் உள்ளிட்ட அரசுத்துறைகளைச் சோ்ந்த 12 பேருக்கு தொற்று பாதிப்பு உறுதியாகி, சிகிச்சை அளிக்கப்பட்டுள்ளது. பெரும்பாலானோா் சிகிச்சை முடிந்து வீடுகளுக்குத் திரும்பியுள்ளனா். மாவட்டத்தில் பேருந்துகளில் கூட்டம் அதிகமிருப்பதை அறிந்து அப்பகுதியில் மேலும் கூடுதல் பேருந்துகள் இயக்கவும் உத்தரவிடப்பட்டுள்ளது என்றாா்.
மாற்றுத்திறனாளிகளுக்கு இருசக்கர வாகனங்கள், தையல் இயந்திரங்கள், மூன்று சக்கர சைக்கிள்கள் என 15 பேருக்கு நலத்திட்ட உதவிகளை அவா் வழங்கினாா். நிகழ்ச்சியில் மாவட்ட மாற்றுத்திறனாளிகள் நலத்துறை அலுவலா் ஜெ.செந்தில்குமாரி, மக்கள் தொடா்பு அலுவலா் மகேஷ் உள்ளிட்டோா் கலந்துகொண்டனா்.
