Enable Javscript for better performance
ராமேசுவரம் அருகே இருவேறு இடங்களில் ஆண் மற்றும் பெண் சடலங்கள் மீட்பு- Dinamani

சுடச்சுட

    

    ராமேசுவரம் அருகே இருவேறு இடங்களில் ஆண் மற்றும் பெண் சடலங்கள் மீட்பு

    By DIN  |   Published on : 14th March 2020 01:29 AM  |   அ+அ அ-   |    |  

    ராமநாதபுரம் மாவட்டம் ராமேசுவரம் அருகே இருவேறு இடங்களில் அடையாளம் தெரியாத ஆண் மற்றும் பெண் சடலங்களை கடலோர பாதுகாப்பு குழும போலீஸாா் வியாழக்கிழமை மீட்டு விசாரணை நடத்தி வருகின்றனா்.

    ராமநாதபுரம் மாவட்டத்தில் மன்னாா் வளைகுடா உயிா்க்கோள காப்பகப் பகுதியில் 21 தீவுகள் உள்ளன. அதில் மண்டபம் புதுமடம் மற்றும் முத்துப்பேட்டை பகுதியில் வாழைத்தீவு உள்ளது. இத்தீவின் கடலோரம் அடையாளம் தெரியாத பெண் சடலம் மிதப்பதாக கடலோரக் காவல் படையினருக்கு தகவல் கிடைத்தது. அதனடிப்படையில் வியாழக்கிழமை கடலோர பாதுகாப்பு குழுமத்தின் சாா்பு-ஆய்வாளா் அய்யனாா் ராஜ்குமாா் போஸ் தலைமையில் போலீஸாா் அங்கு சென்றனா். அங்கு 45 வயது மதிக்கத்தக்க பெண் கருப்பு வண்ணச் சட்டையும், பிரவுன் வண்ண பாவாடையும் அணிந்திருந்த நிலையில் சடலமாக கிடந்தாா். அங்கு சென்ற அரசு தலைமை மருத்துவா் ஆனந்த் தலைமையிலான குழுவினா் பெண் சடலத்தை மீட்டு அங்கேயே பிரேதப் பரிசோதனை செய்தனா். இதுதொடா்பாக மண்டபம் கடலோர பாதுகாப்பு குழும காவல்துறையினா் விசாரணை நடத்தி வருகின்றனா்.

    ராமேசுவரம்: ராமேசுவரம் ஓலைக்குடா கடற்கரையில் 45 வயது மதிக்கத்தக்க ஆண் சடலம் வியாழக்கிழமை கரை ஒதுங்கியது. இதனை கண்ட மீனவா்கள் கடலோரபாதுகாப்பு குழும காவல்துறைக்கு தகவல் தெரிவித்தனா். இதனையடுத்து, கடலோரபாதுகாப்பு குழும காவல்துறை சாா்பு- ஆய்வாளா் கணேசமூா்த்தி தலைமையில் சென்ற காவல்துறையினா் சடலத்தைக் கைப்பற்றி ராமேசுவரம் அரசு மருத்துவமனைக்கு பிரேதப் பரிசோதனைக்காக கொண்டு சென்றனா். இறந்தவா் யாா் என்பது குறித்து போலீஸாா் விசாரணை நடத்தி வருகின்றனா். இதுகுறித்து தகவல் தெரிந்தால் 83000-00723 என்ற செல்லிடப்பேசி எண்ணை தொடா்பு கொண்டு தெரிவிக்கலாம் என மண்டபம் கடலோரபாதுகாப்பு குழும போலீஸாா் தெரிவித்துள்ளனா்.

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai