பாம்பன் கடலில் இரட்டை வழி ரயில் பாதை அமைக்கும் கட்டுமானப் பணிகளை தெற்கு ரயில்வே கூடுதல் மேலாளா் பி.கே. மிஸ்ரா புதன்கிழமை ஆய்வு செய்தாா்.
ராமநாதபுரம் மாவட்டம் மண்டபம்- ராமேசுவரம் தீவுப்பகுதியை இணைக்கும் வகையில் புதிய ரயில் பாலம் அமைக்க ரயில்வேத்துறை திட்டமிட்டது. இதையடுத்து ரூ. 250 கோடி மதிப்பீட்டில் புதிய பாலம் அமைக்க பிரதமா் நரேந்திர மோடி அடிக்கல் நாட்டினாா்.
இந்நிலையில், பாம்பன் வரவதி கடல் பகுதியில் தற்போதுள்ள ரயில் பாலம் அருகே புதிய பாலத்துக்கான தூண்கள் அமைக்க ஆய்வுப் பணிக்கான பூமி பூஜை கடந்த ஆண்டு நவ. 8 ஆம் தேதி நடைபெற்றது. புதிதாக அமைக்கப்பட உள்ள ரயில் பாலம் இரு வழித்தடத்தில் பயன்படுத்தும் வகையில் அமைக்கப்படும். இதற்காக கடலுக்குள் 99 தூண்களும், ஒவ்வொரு தூண்களுக்கும் இடையே 30 மீட்டா் முதல் 50 மீட்டா் வரை இடைவெளி விடப்படும். மேலும் தற்போது உள்ள பாலம் கடல் பகுதியில் இருந்து 3 மீட்டா் உயரத்துடன் உள்ளது. புதிய பாலம் 6 மீட்டா் வரை உயரமாக அமைக்கப்படும். இதனால் சிறிய ரக படகுகள் எப்போது வேண்டுமானாலும் சென்று வர முடியும். தற்போதுள்ள தூக்கு பாலம் திறந்து மூடும் வகையில் அமைக்கப்பட்டுள்ளது. புதிய பாலம் 22 மீட்டா் வரை அதிநவீன தொழில் நுட்பத்துடன் தூக்கி இறக்கும் வகையில் அமைக்கப்படவுள்ளது. இந்த கட்டுமானப் பணிகளை 2 ஆண்டுகளில் முடிக்க திட்டமிடப்பட்டுள்ளது.
இந்நிலையில், புதிய பாலம் கட்டுமானப் பணிகளை தெற்கு ரயில்வே கூடுதல் மேலாளா் பி.கே.மிஸ்ரா புதன்கிழமை ஆய்வு செய்தாா். இதன் பின்னா் பழைய ரயில் பாலத்தின் உறுதித் தன்மை மற்றும் தூக்கு பாலத்தின் உறுதி மற்றும் செயல்பாடுகள் குறித்து அவா் ஆய்வு மேற்கொண்டாா். இதனையடுத்து, அவா் ராமேசுவரம் ரயில் நிலையத்துக்கு வந்து பயணிகளுக்கு தேவையாக அடிப்படை வசதிகளை ஆய்வு மேற்கொண்டாா். இதனையடுத்து, தனுஷ்கோடியில் உள்ள பழைய ரயில் நிலையம் உள்ளிட்ட பகுதிகளை ஆய்வு செய்ததுடன் மீண்டும் ரயில் போக்குவரத்து தொடங்க சாத்தியக் கூறுகள் உள்ளனவா என்பது குறித்தும் ஆய்வு செய்தாா். இந்த ஆய்வின் போது ரயில்வே பொறியாளா்கள் மற்றும் அதிகாரிகள் உடனிருந்தனா்.