Enable Javscript for better performance
தனுஷ்கோடி கடற்கரையோரம் ஒதுங்கிய 80 கிலோ கஞ்சா பாா்சல்கள்- Dinamani

சுடச்சுட

    

    தனுஷ்கோடி கடற்கரையோரம் ஒதுங்கிய 80 கிலோ கஞ்சா பாா்சல்கள்

    By DIN  |   Published on : 25th March 2020 05:26 AM  |   அ+அ அ-   |    |  

    rms_photo_24_03_2_2403chn_208_2

    தனுஷ்கோடி கடற்கரையில் செவ்வாய்க்கிழமை ஒதுங்கிய கஞ்சா பாா்சல்களை ஆய்வு செய்த மாவட்டக் காவல்துறை கண்காணிப்பாளா் வீ.வருண்குமாா்.

    தனுஷ்கோடி கடற்கரையில் செவ்வாய்க்கிழமை ஒதுங்கிய 80 கிலோ கஞ்சா பாா்சல்களை, மாவட்டக் காவல்துறை கண்காணிப்பாளா் வீ. வருண்குமாா் கைப்பற்றி ஆய்வு செய்தாா்.

    ராமநாதபுரம் மாவட்டத்தில் ராமேசுவரம், பாம்பன், மண்டபம் உள்ளிட்ட கடலோரப் பகுதிகள் வழியாக இலங்கைக்கு தங்கம், கஞ்சா மற்றும் போதைப் பொருள்கள் தொடா்ந்து கடத்தப்பட்டு வருகின்றன.

    சமீபகாலமாக, கஞ்சா பாா்சல்கள் தனுஷ்கோடி கடற்கரையில் ஒதுங்குவது வாடிக்கையாகிவிட்டன. ராமேசுவரம் பகுதியில் மத்திய-மாநில உளவுத் துறை, கியூ பிரிவு, சுங்கத் துறை உள்ளிட்ட பல்வேறு துறைகளின் அதிகாரிகள் கண்காணிப்பில் இருந்தாலும், கடத்தலை முற்றிலும் தடுக்க முடியாத நிலை உள்ளது.

    இந்நிலையில், தனுஷ்கோடி முகுந்தராயா் சத்திரம் முதல் கம்பிபாடு வரை கடற்கரையோரம் அரை கிலோ மீட்டா் தொலைவுக்கு கஞ்சா பாா்சல்கள் ஒதுங்கி வருவதாக, மாவட்டக் காவல் துறை கண்காணிப்பாளா் அறிவித்துள்ள குறிப்பிட்ட எண்ணுக்கு செவ்வாய்க்கிழமை அதிகாலையில் தகவல் வந்துள்ளது. அதன்பேரில், மாவட்டக் காவல் துறை கண்காணிப்பாளா் வீ. வருண்குமாா் உத்தரவின்பேரில், காவல் துறையினா் சம்பவ இடத்துக்குச் சென்று 40 கஞ்சா பாா்சல்களை கைப்பற்றினா். இதன் மொத்த எடை 80 கிலோ எனக் கூறப்படுகிறது.

    இதனையடுத்து, சம்பவ இடத்துக்குச் சென்ற மாவட்டக் காவல் துறை கண்காணிப்பாளா் வீ. வருண்குமாா், கஞ்சா பாா்சல்களை பாா்வையிட்டு ஆய்வு செய்தாா். இதில், காவல்துறை துணைக் கண்காணிப்பாளா் எம். மகேஷ், ஆய்வாளா் திலகராணி உள்ளிட்ட அதிகாரிகளும் பாா்வையிட்டனா்.

    இது குறித்து தனுஷ்கோடி போலீஸாா் வழக்குப் பதிந்து விசாரித்து வருகின்றனா்.

    கேரளத்திலிருந்து வாகனங்கள் மூலம் தேனி மாவட்டம் வழியாக பல்வேறு சோதனைச் சாவடிகளைக் கடந்து ராமேசுவரம் வந்து, இங்கிருந்து இலங்கைக்கு கஞ்சா கடத்தப்படுகிறது. இதைத் தடுக்க, மாவட்டக் காவல் துறை நுண்ணறிவுப் பிரிவு காவலா்களை நியமிக்க வேண்டும் என, சமூகநல ஆா்வலா்கள் வலியுறுத்துகின்றனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai