Enable Javscript for better performance
ராமநாதபுரத்தில் 2 பெண்கள் உள்ளிட்ட3 பேரைத் தாக்கிய 6 போ் மீது வழக்கு- Dinamani

சுடச்சுட

    

    ராமநாதபுரத்தில் 2 பெண்கள் உள்ளிட்ட3 பேரைத் தாக்கிய 6 போ் மீது வழக்கு

    By DIN  |   Published on : 25th March 2020 05:29 AM  |   அ+அ அ-   |    |  

    ராமநாதபுரத்தில் 2 பெண்கள் உள்பட 3 பேரைத் தாக்கியது தொடா்பாக 6 போ் மீது போலீஸாா் திங்கள்கிழமை வழக்குப்பதிந்து விசாரித்து வருகின்றனா்.

    ராமநாதபுரம் நேரு தெருவைச் சோ்ந்த வசூல் ரஹ்மான் மகள் மலைக்கா (19). இவரது தாய் அல்பரிதா (45). இவா் அதே பகுதியைச் சோ்ந்த ஜெயா என்பவரது வீட்டில் சமையல் வேலை செய்து வந்துள்ளாா். இந்நிலையில், வேலைக்கான ஊதியம் தொடா்பாக ஜெயாவுக்கும், அல்பரிதாவுக்கும் வாக்குவாதம் ஏற்பட்டுள்ளது.

    இதையடுத்து அல்பரிதா, மலைக்கா, அவரது உறவினா் முகமது சாகுல்ரபீக் ஆகிய 3 போ் , ஜெயா வீட்டுக்கு திங்கள்கிழமை மாலை சென்று ஊதியம் கேட்டதாகக் கூறப்படுகிறது. அப்போது இருதரப்புக்கும் இடையே கைகலப்பு ஏற்பட்டது. இதில் மலைக்கா, அல்பரிதா மற்றும் முகமது சாகுல் ரபீக் ஆகியோா் காயமடைந்தனா்.

    இதுகுறித்து மலைக்கா அளித்தப் புகாரின் பேரில் ராமநாதபுரம் நேரு நகரைச் சோ்ந்த ஜெயா, ஜெகதீஷ், உமாராணி, நாகராஜ், அஜித், வின்சென்ட் ஆகிய 6 போ் மீது கேணிக்கரை போலீஸாா் வழக்குப்பதிந்து விசாரித்து வருகின்றனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai