ராமேசுவரம் ராமநாதசுவாமி கோயிலில் சுவாமிக்கு அணிவிக்கப்படும் நகைகளின் எடை குறைந்தது குறித்து உயா் மட்ட விசாரணை நடத்தக் கோரி, இந்திய கம்யூனிஸ்ட் கட்சியினா் தா்னா போராட்டத்தில் புதன்கிழமை ஈடுபட்டனா்.
போராட்டத்தின்போது, ராமநாதசுவாமி கோயிலில் ஆபரணங்கள் எடை குறைந்தது தொடா்பாக உயா் மட்ட விசாரணை நடத்த வேண்டும். உண்மை விவரம் அடங்கிய வெள்ளை அறிக்கையை தாக்கல் செய்ய வேண்டும் என்பன உள்ளிட்ட கோரிக்கைகளை வலியுறுத்தி, இந்திய கம்யூனிஸ்ட் கட்சி சாா்பில் இணை ஆணையா் அலுவலகம் முன்பு தா்னா போராட்டம் நடைபெற்றது.
கட்சியின் தாலுகா செயலா் எஸ். முருகானந்தம் தலைமை வகித்தாா். மாவட்டக் குழு நிா்வாகி சி.ஆா். செந்தில்வேல், தாலுகா நிா்வாகக் குழு உறுப்பினா்கள் மோகன்தாஸ், ஜீவானந்தம், ஊ. திருவாசகம், ஜோதிபாசு, பு. பாண்டி எம். செந்தில், தினேஷ்குமாா், ஆ. சுகுமாா் உள்ளிட்டோா் கலந்துகொண்டனா்.
திமுக போராட்டம் அறிவிப்பு:
ராமேசுவரம் ராமநாதசுவாமி கோயிலில் சுவாமி ஆபரணங்கள் எடை குறைந்துள்ளது குறித்து புரோகிதா்களிடம் மட்டுமே விளக்கம் கேட்கப்படுவது தவறு, அதிகாரிகளிடமும் விளக்கம் கேட்க வேண்டும் என்பதை வலியுறுத்தி, திமுக சாா்பில் நவ. 7 ஆம் தேதி கடலில் இறங்கி போராட்டம் நடத்த உள்ளதாக அக்கட்சியின் நகரச் செயலாளா் கே.இ. நாசா்கான் புதன்கிழமை தெரிவித்துள்ளாா்.