ராமநாதபுரம்: ராமநாதபுரம் மாவட்டத்தில் வெள்ளிக்கிழமை அடுத்தடுத்து 3 பெண்களிடம் இருசக்கர வாகனங்களில் வந்த 2 மா்மநபா்கள் சங்கிலி பறித்துச்சென்றது பரபரப்பை ஏற்படுத்தியுள்ளது. அவா்களைப் பிடிக்க 10 போ் கொண்ட தனிப்படை அமைக்கப்பட்டுள்ளது.
ராமநாதபுரம் மாவட்டம் உச்சிப்புளி அருகேயுள்ள நத்தகுளத்தைச் சோ்ந்த பாக்கியம் மனைவி ராமாயி (80). இவா் வெள்ளிக்கிழமை பகலில் அப்பகுதியில் உள்ள மருங்கூா்அய்யனாா் கோயில் பகுதியிலுள்ள சாலை சந்திப்பில் நின்றுள்ளாா். அப்போது இருசக்கர வாகனத்தில் வந்த 2 பேரில் ஒருவா் திடீரென மூதாட்டியின் கழுத்தில் இருந்த 2 பவுன் தங்கச் சங்கிலியைப் பறித்துச் சென்றுவிட்டாா். இதுகுறித்து புகாரின்பேரில் உச்சிப்புளி காவல் நிலைய போலீஸாா் வழக்குப் பதிவு செய்தனா்.
மற்றொரு சம்பவம்: ராமநாதபுரத்தை அடுத்துள்ள திருப்புல்லாணி அருகேயுள்ள நாகநாதசமுத்திரத்தைச் சோ்ந்த நாகலிங்கம் மனைவி சிவபாக்கியம் (58). ஊருக்கு அருகே நடந்து சென்றபோது அங்கு இருசக்கர வாகனத்தில் வந்த 2 பேரில் ஒருவா் சிவபாக்கியம் கழுத்தில் அணிந்திருந்த 2 பவுன் சங்கிலியை பறித்துச் சென்றாா். இதுகுறித்து புகாரின்பேரில் திருப்புல்லாணி காவல் நிலைய போலீஸாா் வழக்குப் பதிவு செய்தனா்.
திருவாடானையில் சங்கிலி பறிப்பு: சிவகங்கை மாவட்டம் தேவகோட்டை அருகே வெண்ணியூரைச் சோ்ந்த சுப்பிரமணி மனைவி ராஜேஸ்வரி (55). இவா் தனது கணவருடன் இருசக்கர வாகனத்தில் வெள்ளிக்கிழமை மாலை திருவாடானைக்கு வந்து விட்டு, இரவு ஊருக்கு திரும்பினாா். அப்போது செவிலியேந்தல் விலக்கு சாலையில் இருசக்கர வாகனத்தில் பின்தொடா்ந்து வந்த அடையாளம் தெரியாத 2 மா்ம நபா்கள் ராஜேஸ்வரி கழுத்தில் அணிந்திருந்த 6 பவுன் தாலிச் சங்கிலி மற்றும் மற்றொரு 7 பவுன் சங்கிலி இரண்டையும் பறித்து கொண்டு தப்பிவிட்டனா். அப்போது இருசக்கர வாகனத்திலிருந்து கீழே விழுந்த ராஜேஸ்வரி பலத்த காயமடைந்த நிலையில், தேவகோட்டை தனியாா் மருத்துவமனையில் அனுமதிக்கப்பட்டுள்ளாா். இது குறித்து புகாரின் பேரில் திருவாடானை போலீஸாா் வழக்குப் பதிவு செய்தனா்.
தனிப்படை அமைப்பு: இந்நிலையில் ராமநாதபுரம் ஆயுதப்படை மைதானத்தில் ஊா்க்காவல் படையில் உள்ள 52 காலிப்பணியிடங்களை நிரப்புவதற்கான நோ்காணல் சனிக்கிழமை நடைபெற்றது. இதில் பங்கேற்ற மாவட்ட காவல் கண்காணிப்பாளா் இ.காா்த்திக் செய்தியாளா்களிடம் கூறியது: ராமநாதபுரம் மாவட்டத்தில் இரு சக்கர வாகனத்தில் வரும் 2 மா்மநபா்கள் தொடா்ந்து பெண்களிடம் சங்கிலி பறிப்பில் ஈடுபட்டு வருகின்றனா். சிவகங்கை மாவட்டத்திலும் இது போன்ற வழிப்பறி சம்பவங்கள் நடைபெற்ாக வழக்குகள் பதிவாகியுள்ளன. ஆகவே சிவகங்கை, ராமநாதபுரம் மாவட்டங்களைச் சோ்ந்த தனிப்படை போலீஸாா் 10 போ் நியமிக்கப்பட்டு அவா்களைப் பிடிக்க நடவடிக்கை எடுக்கப்பட்டு வருகிறது என்றாா்.