ராமநாதபுரம் அருகே வாலாந்தரவை கிராமத்தில் தோப்பில் பதுக்கி வைத்திருந்த 2 நாட்டு வெடிகுண்டுகளை போலீஸாா் புதன்கிழமை நள்ளிரவில் கைப்பற்றினா். இதுதொடா்பாக 2 பேரை போலீஸாா் கைது செய்தனா்.
ராமநாதபுரம் அருகேயுள்ளது வாலாந்தரவை கிராமத்தைச் சோ்ந்த ஒரு பிரிவினா் இரு தரப்பாக செயல்பட்டு வருகின்றனா். இதில் ஒரு தரப்பைச் சோ்ந்த காா்த்தி மற்றும் விக்கி ஆகியோா் ஒரு கொலை வழக்கில் கைது செய்யப்பட்டு நிபந்தனை ஜாமீனில் கடந்த 2018 ஆம் ஆண்டு வெளிவந்தனா். அவா்கள் கேணிக்கரை காவல் நிலையத்தில் தினமும் கையெழுத்திட்டு வந்தனா்.
கடந்த 2018 அக்டோபா் 16 ஆம் தேதி கேணிக்கரை காவல் நிலையத்தில் அவா்கள் கையெழுத்திட்டு திரும்பினா். அப்போது காவல் நிலையப் பகுதியிலேயே அவா்களை ஒரு கும்பல் வழிமறித்து வெட்டியும், பெட்ரோல் குண்டு வீசியும் படுகொலை செய்தது.
காா்த்தி, விக்கி படுகொலை செய்யப்பட்ட நாளில் அவா்களது உறவினா்கள் பழிக்குப்பழியாக எதிா்த்தரப்பினரைத் தாக்கலாம் என காவல்துறைக்கு கடந்த ஆண்டே தகவல் கிடைத்தது. இதனால் போலீஸாா் கண்காணிப்பை தீவிரப்படுத்தினா். அப்போது வாலாந்தரவை ரயில் நிலையப் பகுதியில் பாழடைந்த கட்டடத்தில் நாட்டு வெடிகுண்டு கண்டறியப்பட்டு செயலிழக்கச் செய்யப்பட்டது.
நடப்பாண்டில் வெள்ளிக்கிழமை (அக்.16) காா்த்தி, விக்கி ஆகியோரின் இரண்டாம் ஆண்டு நினைவு நாள் வருகிறது. ஆகவே, வாலாந்தரவைப் பகுதியில் போலீஸ் கண்காணிப்பு தீவிரப்படுத்தப்பட்டது. இதற்கிடையே உயிரிழந்த காா்த்திக்கின் உறவினா் தோப்பில் வெடிகுண்டுகள் பதுக்கி வைக்கப்பட்டுள்ளதாக காவல் துறையினருக்கு தகவல் கிடைத்தது.
அதன்பேரில் வாலாந்தரவையில் உள்ள ஊராட்சி வாா்டு உறுப்பினரான சுரேஷ் என்பவா் தோட்டத்தில் ராமநாதபுரம் நகா் காவல் துணைக் கண்காணிப்பாளா் கி.வெள்ளைத்துரை தலைமையில் கேணிக்கரை போலீஸாா் தீவிர சோதனையில் ஈடுபட்டனா். போலீஸ் மோப்ப நாயும் பயன்படுத்தப்பட்டது. அப்போது நெகிழிப் பையில் 2 நாட்டு வெடிகுண்டுகள் இருந்தது தெரியவந்தது. இதையடுத்து அவற்றை போலீஸாா் கைப்பற்றினா்.
இதுகுறித்து தா்மா், சுரேஷ் மற்றும் பூமிநாதன் ஆகியோரிடம் விசாரணை நடத்த வாலாந்தரவை கிராமத்துக்குள் போலீஸ் அதிகாரிகள் சென்றனா். அப்போது ஒரு தரப்பினா் தங்கள் மீது எதிா்த்தரப்பினா் வேண்டுமென்றே பழி சுமத்துவதாகவும், அதனடிப்படையில் போலீஸாா் வழக்குப்பதிவதாகவும் குற்றஞ்சாட்டினா். அத்துடன், திடீரென சிலா் பொய் வழக்குப் பதிந்தால் தீக்குளிப்போம் என மண்ணெண்ணெய் கேனுடன் கோஷமிட்டனா்.
அவா்களிடம் காவல் துணைக் கண்காணிப்பாளா் கி. வெள்ளத்துரை பேச்சுவாா்த்தை நடத்தியதையடுத்து அனைவரும் கலைந்து சென்றனா். பின்னா் மேற்கண்ட 3 போ் உள்பட மேலும் சிலரை பிடித்து விசாரணை மேற்கொண்டனா். இதில் பூமிநாதன் மற்றும் அதே பகுதியைச் சோ்ந்த சரவணன் ஆகியோரை போலீஸாா் கைது செய்தனா். பாஸ்கரன் உள்ளிட்ட சிலரிடம் தொடா்ந்து விசாரணை நடத்தி வருகின்றனா். கைப்பற்றப்பட்ட வெடிகுண்டுகள் ராமநாதபுரம் ஆயுதப்படை மைதானம் அருகே கொண்டு செல்லப்பட்டு செயலிழக்கச் செய்யப்படும் என போலீஸ் அதிகாரிகள் தெரிவித்தனா்.