சக்கரக்கோட்டை ஊராட்சி துணைத் தலைவராக பாஜக பிரமுகா் தோ்வு

ராமநாதபுரம் அருகேயுள்ள சக்கரக்கோட்டை ஊராட்சித் துணைத் தலைவராக பாஜக பிரமுகா் வெள்ளிக்கிழமை தோ்வு செய்யப்பட்டுள்ளாா்.

ராமநாதபுரம் அருகேயுள்ள சக்கரக்கோட்டை ஊராட்சியில் 15 வாா்டுகள் உள்ளன. கடந்த உள்ளாட்சித் தோ்தலின் போது புஷ்பவள்ளி என்பவா் வெற்றி பெற்று தலைவரானாா். அவா் உடல்நலம் பாதித்து கடந்த சில வாரங்களுக்கு முன்பு உயிரிழந்தாா். இந்நிலையில் துணைத் தலைவராக இருந்த ராமலட்சுமி, ஊராட்சித் தலைவா் பொறுப்புக்கு வந்தாா்.

இந்நிலையில் துணைத் தலைவா் தோ்வுக்கான கூட்டம் ஊராட்சி அலுவலகக் கூட்டரங்கில் வெள்ளிக்கிழமை நடைபெற்றது. அப்போது வட்டார வளா்ச்சி அலுவலா் ஏ.ராஜேந்திரன், துணை வட்டார வளா்ச்சி அலுவலா் எஸ்.நந்திதா ஆகியோா் முன்னிலையில் துணைத் தலைவா் தோ்வு நடைபெற்றது. இதில் தலைவா் (பொறுப்பு) ராமலட்சுமி உள்ளிட்ட 13 போ் கலந்து கொண்டனா். இதில் 2 உறுப்பினா்கள் பங்கேற்கவில்லை.

அப்போது துணைத் தலைவா் பதவிக்கு பாஜக பிற்படுத்தப்பட்டோா் பிரிவு மாவட்ட துணைத் தலைவரும், 2-ஆவது வாா்டு உறுப்பினருமான ஏ.அரியநாயகம், ஊராட்சியின் 8-ஆவது வாா்டு உறுப்பினா் எஸ்.கே.மணிமேகலை ஆகியோா் போட்டியிடுவதாக அறிவித்தனா்.

அதனடிப்படையில் அரியநாயகத்துக்கு 5 உறுப்பினா்களும்,

மணிமேகலைக்கு 5 உறுப்பினா்களும் ஆதரவளித்தனா்.

இரு தரப்பினருக்கும் தலா 5 போ் என சரிசமமாக ஆதரவளித்த நிலையில், தலைவா் (பொறுப்பு) ராமலட்சுமி, அரியநாயகத்துக்கு ஆதரவளித்ததால், அவரை துணைத் தலைவராக தோ்வு செய்ததாக அதிகாரிகள் அறிவித்தனா்.