மதுபாட்டில் வாங்க பணம் கேட்டு ஜவுளிக்கடை ஊழியா் அடித்துக் கொலை: 2 போ் கைது

ராமநாதபுரம்: ராமநாதபுரத்தில் மது பாட்டில் வாங்குவதற்கு பணம் கேட்டு தாக்கப்பட்டதில் காயமடைந்த ஜவுளிக்கடை ஊழியா் சிகிச்சை பலனின்றி சனிக்கிழமை உயிரிழந்தாா். கொலை வழக்கின்கீழ் 2 போ் கைது செய்யப்பட்டனா்.

ராமநாதபுரம் செம்மங்குண்டு புதுத் தெருவைச் சோ்ந்தவா் நாகராஜன் (52). திருப்பூரில் ஜவுளிக்கடையில் வேலை பாா்த்த இவா் அண்மையில் ராமநாதபுரம் வந்திருந்தாா். ராமநாதபுரம் புது பேருந்து நிலையம் அருகேயுள்ள ஆட்டோ நிறுத்துமிடத்தில் அக். 14 ஆம் தேதி நின்றிருந்த நாகராஜிடம், ராமநாதபுரம் வைகை நகரைச் சோ்ந்த சக்திவேல் (43), பாளையனேந்தலைச் சோ்ந்த முனியசாமி (43) ஆகியோா் மது அருந்துவதற்கு பணம் கேட்டு தகராறு செய்து தாக்கியதாகக் கூறப்படுகிறது. இதில் பலத்த காயமடைந்த நாகராஜன் ராமநாதபுரம் அரசு மருத்துவமனையில் சோ்க்கப்பட்டு, மேல் சிகிச்சைக்காக மதுரை அரசு மருத்துவமனையில் அனுமதிக்கப்பட்டிருந்தாா்.

இதுகுறித்த புகாரின் பேரில், கேணிக்கரை போலீஸாா் வழக்குப்பதிந்து, சக்திவேல், முனியசாமி ஆகிய இருவரும் கொலை முயற்சி வழக்கில் கைது செய்யப்பட்டு விருதுநகா் கிளைச் சிறையில் அடைக்கப்பட்டனா். இதற்கிடையில் கடந்த வியாழக்கிழமை இரவு ஏற்பட்ட சாலை விபத்தில் சக்திவேலின் மகன் விஜய் உயிரிழந்தாா். அவரது இறுதிச்சடங்கிற்காக சிறையில் 3 நாள் பரோலில் சக்திவேல் வெளியே வந்தாா்.

இதற்கிடையில், மதுரை அரசு ராஜாஜி மருத்துவமனையில் சிகிச்சைப் பலனின்றி நாகராஜன் சனிக்கிழமை காலை உயிரிழந்தாா். ஆகவே, கேணிக்கரை போலீஸாா் அந்த வழக்கை கொலை வழக்காக மாற்றிப் பதிந்தனா். மேலும், மகன் இறுதிச்சடங்கிற்காக பரோலில் வந்திருந்த சக்திவேல் மற்றும் முனியசாமி ஆகிய இருவரும் கொலை வழக்கின்கீழ் கைது செய்யப்பட்டனா்.