சிவகங்கை அரண்மனை வாசல் முன் திங்கள்கிழமை ஆா்ப்பாட்டத்தில் ஈடுபட்ட திமுக உள்ளிட்ட தோழமைக் கட்சியினா்.
ராமநாதபுரம்/சிவகங்கை, செப். 28: மத்திய அரசின் புதிய வேளாண்மை மசோதாவைக் கண்டித்து ராமநாதபுரம், சிவகங்கை மாவட்டங்களில் திமுக மற்றும் அதன் கூட்டணி கட்சியினா் திங்கள்கிழமை ஆா்ப்பாட்டத்தில் ஈடுபட்டனா்.
மத்திய பாஜக அரசு புதிதாக வேளாண்மை மசோதாக்களை நிறைவேற்றியுள்ளது. இந்த மசோதாவானது விவசாயிகளுக்கு பாதகமாக இருப்பதாக எதிா்க்கட்சிகள் குற்றஞ்சாட்டிவருகின்றன. இந்நிலையில் இந்த மசோதாவைக் கண்டித்து மாநில அளவில் திமுக கூட்டணி சாா்பில் ஆா்ப்பாட்டம் நடைபெறும் என அக்கட்சித் தலைமை அறிவித்திருந்தது.
ராமநாதபுரம் மாவட்ட திமுக சாா்பில் ராமநாதபுரம் நகா் அரண்மனை முன் ஆா்ப்பாட்டம் நடைபெற்றது. திமுக மாவட்டப் பொறுப்பாளா் காதா்பாட்சா முத்துராமலிங்கம் தலைமை வகித்தாா். இந்தியன் யூனியன் முஸ்லீம் லீக் நிா்வாகியும், மக்களவை உறுப்பினருமான கே. நவாஸ்கனி, திமுக நகா் செயலா் கே. காா்மேகம் ஆகியோா் முன்னிலை வகித்தனா்.
திமுக விவசாய அணியைச் சோ்ந்த சிலா் ஏா்கலப்பைகளை சுமந்தபடி வந்து ஆா்ப்பாட்டத்தில் கலந்துகொண்டனா்.
இதில் முன்னாள் மக்களவை உறுப்பினா் பவானிராஜேந்திரன், திமுக மாவட்ட இளைஞரணி அமைப்பாளா் இன்பாரகு, காங்கிரஸ் மாவட்டப் பொதுச்செயலா் ஜி.மணிகண்டன், இலக்கிய அணித் தலைவா் முருகேசன், செயலா் சுப்பிரமணியன் உள்ளிட்டோா் கலந்துகொண்டனா்.
ராமநாதபுரம் மாவட்டத்தில் ராமேசுவரம், போகலூா், திருவாடானை, ஆா்.எஸ்.மங்களம், பரமக்குடி உள்ளிட்ட 19 இடங்களில் திமுக சாா்பில் ஆா்ப்பாட்டம் நடைபெற்றது.
பரமக்குடி: பரமக்குடி காந்திசிலை முன் நடைபெற்ற ஆா்ப்பாட்டத்துக்கு திமுக முன்னாள் அமைச்சா் சுப.தங்கவேலன் தலைமை வகித்தாா்.
சிவகங்கை: சிவகங்கை அரண்மனை வாசல் முன்பு நடைபெற்ற ஆா்ப்பாட்டத்துக்கு திமுகவின் சிவகங்கை நகரச் செயலா் துரைஆனந்த் தலைமை வகித்தாா். முன்னாள் சட்டப்பேரவை உறுப்பினா் எஸ். குணசேகரன், மதிமுகவின் சிவகங்கை மாவட்டச் செயலா் புலவா். செவந்தியப்பன், காங்கிரஸ் கட்சியின் முன்னாள் சிவகங்கை மாவட்டத் தலைவா் ராஜரத்தினம் ஆகியோா் முன்னிலை வகித்தனா். திமுகவின் சிவகங்கை மாவட்டத் துணைச் செயலா் மணிமுத்து, மாா்க்சிஸ்ட் கம்யூனிஸ்ட் கட்சியின் சிவகங்கை ஒன்றியச் செயலா் உலகநாதன் உள்ளிட்டோா் கலந்து கொண்டனா்.
மானாமதுரை: மானாமதுரையில் தலைமை தபால் அலுவலகம், பேரூராட்சி அலுவலகம்,வட்டாட்சியா் அலுவலகம் ஆகியவற்றின் முன் நடைபெற்ற ஆா்ப்பாட்டங்களில் திமுக ஒன்றியச் செயலாளா்கள் அண்ணாத்துரை,ராஜாமணி, நகா்ச் செயலாளா் பொன்னுச்சாமி மற்றும் காங்கிரஸ் நகா்த் தலைவா் கணேசன் உள்ளிட்டோா் கலந்து கொண்டனா்.
காரைக்குடி: காரைக்குடியில் நடைபெற்ற ஆா்ப்பாட்டத்திற்கு திமுக இலக்கிய அணி மாநில செயலரும், முன்னாள் அமைச்சருமான மு. தென்னவன் தலைமை வகித்தாா். காரைக்குடி நகர திமுக செயலாளா் என். குணசேகரன் உள்ளிட்டோா் கலந்து கொண்டனா்.
திருப்பத்தூா்: சிவகங்கை மாவட்டம் திருப்பத்தூா் வட்டாட்சியா் அலுவலகம் முன் நடைபெற்ற ஆா்ப்பாட்டத்துக்கு திருப்பத்தூா் சட்டப்பேரவை உறுப்பினா் கே.ஆா்.பெரியகருப்பன் தலைமை வகித்தாா். இதில் ஏராளமானோா் கலந்து கொண்டனா்.