நடிகா் விவேக் உருவப்படத்துக்கு ராமநாதபுரத்தில் சனிக்கிழமை பல்வேறு அமைப்பினா் அஞ்சலி செலுத்தினா்.
ராமநாதபுரத்தில் ரயில் நிலையம் அருகேயுள்ள வினைதீா்க்கும் விநாயகா் டாக்ஸி ஓட்டுநா்கள் நலச்சங்கத்தின் நிா்வாகி காா்த்திக் தலைமையில் நடிகா் விவேக் உருவப் படத்துக்கு மாலை அணிவித்து அஞ்சலி செலுத்தப்பட்டது.
அதே போல், ராமநாதபுரம் பட்டினம்காத்தான் கிழக்குக் கடற்கரைச் சாலை சந்திப்பில் ஜேசிபி வாகன ஓட்டுநா்கள் நலச்சங்கத்தின் சாா்பில் நிா்வாகிகள் முருகன், அருண் உள்ளிட்டோா் நடிகா் விவேக் உருவப்படத்துக்கு மாலை அணிவித்து அஞ்சலி செலுத்தினா்.
மேலும் ராமநாதபுரம் நகரில் பல்வேறு அமைப்புகள் சாா்பில் மலரஞ்சலி செலுத்தப்பட்டது.
திருவாடானை: திருவாடானை அருகே ஆா்.எஸ். மங்கலம் ஊராட்சி ஒன்றிய அலுவலகத்தில் நடிகரும், சமூக ஆா்வலருமான நடிகா் விவேக் மறைவுக்கு அஞ்சலி செலுத்தும் விதமாக ஆணையா் சாவித்திரி மரக்கன்றுகளை நட்டாா். இதில் மேலாளா் கோட்டைராஜ், மண்டல அலுவலா் முத்துசாமி மற்றும் பணியாளா்கள் கலந்து கொண்டனா்.
காரைக்குடி: நடிகா் விவேக் மறைவையொட்டி அவரது நினைவாக காரைக்குடி இசை நாடக சங்கம் சாா்பில் சனிக்கிழமை நினைவேந்தல் நிகழ்ச்சி நடைபெற்றது. இதில் சங்கத்தின் தலைவா் பிஎல். காந்தி தலைமையில் நடிகா் விவேக் உருவப்படத்திற்கு அஞ்சலி செலுத்தப்பட்டது.
இதில் சங்கத்தின் துணைத்தலைவா் ஏஆா்ஏ. கண்ணன் மற்றும் சங்க உறுப்பினா்கள் கலந்துகொண்டனா். மேலும் சங்க அலுவலகத்தில் விவேக் நினைவாக மரக்கன்று நடப்பட்டது. அத்துடன் ஒரு நிமிடம் மெளன அஞ்சலி செலுத்தப்பட்டது.