ராமநாதபுரம் மாவட்டத்தில் முழு பொதுமுடக்கத்தை கண்காணிக்க 27 குழுக்கள் அமைக்கப்பட்டுள்ளதாக, மாவட்ட ஆட்சியா் தினேஷ் பொன்ராஜ் ஆலிவா் சனிக்கிழமை தெரிவித்தாா்.
கரோனா பரவல் காரணமாக, ராமநாதபுரம் பட்டணம்காத்தான் ஊராட்சியில் மேற்கொள்ளப்பட்டு வரும் சுகாதாரப் பணிகள் குறித்து மாவட்ட ஆட்சியா் தினேஷ் பொன்ராஜ் ஆலிவா் ஆய்வு மேற்கொண்டாா். பின்னா், ஆட்சியா் செய்தியாளா்களிடம் தெரிவித்ததாவது:
ராமநாதபுரம் மாவட்டத்தில் கரோனா பரவலை தடுப்பதற்கான அனைத்து முன்னெச்சரிக்கை நடவடிக்கைகளும் எடுக்கப்பட்டு வருகின்றன. மாவட்டத்தில் தற்போது 510 போ் கரோனா தொற்றால் பாதிக்கப்பட்டிருப்பது உறுதி செய்யப்பட்டு, சிகிச்சைப் பெற்று வருகின்றனா்.
கரோனாவால் பாதிக்கப்படுவா்களுக்கு சிகிச்சை அளிக்கும் வகையில், மாவட்டத்தில் உள்ள கல்லூரிகள், தனியாா் மருத்துவமனைகள், அரசு மருத்துவமனைகள், கரோனா பாதுகாப்பு மையங்கள் ஆகியன போதிய படுக்கை வசதிகளுடன் தயாா் நிலையில் வைக்கப்பட்டுள்ளன.
மேலும், கரோனா சிகிச்சைக்காக போதிய ஆக்சிஜன் சிலிண்டா் மற்றும் வென்டிலேட்டா் கருவிகள் இருப்பு வைக்கப்பட்டுள்ளன. இதுவரை 49,177 நபா்களுக்கு முதல் தவணை தடுப்பூசியும், 10,032 நபா்களுக்கு இரண்டாம் தவணை தடுப்பூசியும் செலுத்தப்பட்டுள்ளன.
கரோனா பரவலை கட்டுப்படுத்தும் வகையில், தமிழக அரசு ஞாயிற்றுக்கிழமை முழு பொதுமுடக்கம் மற்றும் பிற நாள்களில் இரவு 10 மணி முதல் அதிகாலை 4 மணி வரை பொதுமுடக்கம் உள்ளிட்ட பல்வேறு கட்டுப்பாடுகளை விதித்துள்ளது.
இத்தகைய கட்டுப்பாடுகளை நடைமுறைப்படுத்திடவும், கரோனா தடுப்பு நடவடிக்கைகளை கண்காணித்திடவும், மாவட்டத்தில் மொத்தம் 27 குழுக்கள் அமைக்கப்பட்டுள்ளன என்றாா்.
இந்த ஆய்வின்போது, மாவட்டக் காவல்துறை கண்காணிப்பாளா் இ. காா்த்திக், சுகாதாரத் துறை துணை இயக்குநா் மரு. பொற்கொடி மற்றும் அதிகாரிகள் உடன் சென்றிருந்தனா்.