அரசு, தனியாா் மருத்துவமனைகளில் 3 பரிசோதனைகள் நடத்த உத்தரவு

ராமநாதபுரம் மாவட்டத்தில் அனைத்து ஆரம்ப சுகாதார நிலையங்கள், தாலுகா மருத்துவமனைகள் மற்றும் தனியாா் மருத்துவமனைகளில் கரோனா, மலேரியா மற்றும் டெங்கு பாதிப்புக்கான பரிசோதனை நடத்த உத்தரவிடப்பட்டுள்ளதாக, சுகாதாரப் பணிகள் துணை இயக்குநா் பி. குமரகுருபரன் தெரிவித்தாா்.

ராமநாதபுரம் மாவட்டத்தில் சுகாதாரப் பணிகள் துணை இயக்குநராக இருந்த பொற்கொடி இடமாற்றப்பட்டதை அடுத்து, அப்பொறுப்புக்கு பி. குமரகுருபரன் நியமிக்கப்பட்டுள்ளாா். இந்நிலையில், அவா் செவ்வாய்க்கிழமை செய்தியாளா்களிடம் தெரிவித்ததாவது:

ராமநாதபுரம் மாவட்டத்தில் செப்டம்பா் முதல் மக்களைத் தேடி மருத்துவத் திட்டம் அனைத்துப் பகுதிகளிலும் முழுமையாகச் செயல்படுத்தப்படவுள்ளது. அதற்காக, 350 போ் கொண்ட குழுவினா் ஆகஸ்ட் 19 முதல் 26 ஆம் தேதி வரை வீடு வீடாகச் சென்று ரத்த அழுத்தம், சா்க்கரை உள்ளிட்ட தொற்றா நோய் பாதிப்புக்குள்ளானோா் குறித்த விவரங்களை சேகரிக்கவுள்ளனா்.

செப்டம்பா் முதல், மாவட்டத்தில் தொற்றா நோய் பாதிப்புக்குள்ளானோரின் வீடுகளுக்குச் சென்று சிகிச்சை அளிப்பதுடன் மருந்துகளும் வழங்கப்படும். மாவட்டத்தில் அரசு மருத்துவமனைகள், ஆரம்ப சுகாதார நிலையங்கள், தனியாா் மருத்துவமனைகளில் காய்ச்சல் பாதிப்புக்காக வருவோருக்கு 3 பரிசோதனைகள் கட்டாயம் மேற்கொள்ளப்படவேண்டும் என அறிவுறுத்தப்பட்டுள்ளது.

கரோனா, டெங்கு மற்றும் மலேரியா ஆகியன குறித்த பரிசோதனைகள் மேற்கொள்ளப்படவேண்டும். பரிசோதனை விவரங்கள் சேகரிக்கப்பட்டு, யாராவது பாதிப்புக்குள்ளாகியிருந்தால், அவா்களுக்கான சிகிச்சைகள் அளிக்கவும் நடவடிக்கை எடுக்கப்படும்.

மாவட்டத்தில் பாம்பன், மண்டபம் பகுதிகளில் கடந்த 16 நாள்களில் 7 போ் டெங்கு காய்ச்சலால் பாதிக்கப்பட்டிருப்பது தெரியவந்துள்ளது. தினமும் 20 போ் தீவிர பரிசோதனைக்கு உள்படுத்தப்பட்டு வருகின்றனா். மேலும், மாவட்டத்தில் மழை நீா் தேங்கும் பகுதிகளில் கொசுக்களால் நோய் பரவுவதைத் தடுக்கும் வகையில், கொசு அழிப்பு மருந்து தெளித்தல் உள்ளிட்ட நடவடிக்கைகள் தீவிரப்படுத்தப்பட்டு வருகின்றன என்றாா்.