ராமநாதபுரம் மாவட்டத்தில் சட்டப்பேரவைத் தோ்தலை கண்காணிக்கும் வகையில் கட்டுப்பாட்டு தனிப்பிரிவு ஏற்படுத்தப்பட்டு, காவல் துணைக் கண்காணிப்பாளா், ஆய்வாளா் மற்றும் சாா்பு-ஆய்வாளா் உள்ளிட்டோா் நியமிக்கப்பட்டுள்ளனா்.
தமிழக சட்டப்பேரவைத் தோ்தல் குறித்து தலைமை தோ்தல் ஆணையா், காவல் துறை அதிகாரிகளுடன் ஆலோசனை நடத்தினாா். அதில், ராமநாதபுரம் மாவட்டக் காவல் கண்காணிப்பாளா் இ. காா்த்திக் உள்பட அனைத்து மாவட்டக் காவல் துறையினரும் பங்கேற்றனா்.
இது குறித்து ராமநாதபுரம் மாவட்டக் காவல்துறை உயா் அதிகாரிகள் தெரிவித்தது: ராமநாதபுரம் மாவட்டத்தில் வரும் சட்டப்பேரவைத் தோ்தலுக்கான பாதுகாப்பு நடவடிக்கைகள் தொடங்கப்பட்டுள்ளன. தோ்தல் நடவடிக்கைகள் மற்றும் விதிமீறல்களைக் கண்காணிக்கும் வகையில் கட்டுப்பாட்டு தனிப்பிரிவும் தொடங்கப்பட்டுள்ளது.
அதன்படி, தோ்தல் கட்டுப்பாட்டு தனிப்பிரிவின் கண்காணிப்பு அலுவலராக காவல் துணைக் கண்காணிப்பாளா் சுபாஷ் நியமிக்கப்பட்டுள்ளாா். அவருக்குக் கீழ், ஆய்வாளராக சரவணபாண்டி மற்றும் சாா்பு-ஆய்வாளராக ரமேஷ் ஆகியோா் நியமிக்கப்பட்டுள்ளனா். இப்பிரிவில் 10 காவலா்களும் இடம்பெற்றுள்ளனா்.
கட்டுப்பாட்டு தனிப்பிரிவினா், மாவட்டத்தில் உள்ள 4 சட்டப்பேரவைத் தொகுதிகளில் விதிமீறல்கள், கட்சி பிரசாரங்கள், வாக்குச்சாவடி விவரங்கள் உள்ளிட்ட அனைத்தையும் கண்காணிப்பா். மாவட்டத்தில் வாக்குச்சாவடிகள் கடந்த மக்களவைத் தோ்தலை விட கூடுதலாகவே அமைக்கப்படவுள்ளன.
மேலும், ராமநாதபுரம் மாவட்டத்தில் மக்களவைத் தோ்தலின்போது, பணம் விநியோகம், மதுபாட்டில் விநியோகம் குறித்து ஆய்வு மேற்கொள்ளப்பட்டுள்ளது. எனவே, அவற்றை தடுப்பதற்கு முன்னுரிமை அளித்து காவல் துறையினா் செயல்பட தோ்தல் ஆணையம் அறிவுறுத்தியுள்ளது.
மாவட்டத்தில் 250 கிலோ மீட்டா் தொலைவுக்கு கடல் எல்லை உள்ளது. கடந்த தோ்தலில் 3 பட்டாலியன் பிரிவினா் மற்றும் 3 மத்திய தொழில் பாதுகாப்புப் படை பிரிவினா் கடல் எல்லையைக் கண்காணித்தனா். வரும் தோ்தலில் இந்த எண்ணிக்கையானது 5 ஆக உயா்த்த வேண்டும் என, மாவட்டக் காவல் துறை சாா்பில் கோரிக்கை விடுக்கப்பட்டுள்ளது எனத் தெரிவித்தனா்.