Enable Javscript for better performance
ராமநாதபுரம் மாவட்டத்தில் மழை: 600 ஏக்கா் பரப்பளவிலான நெற்பயிா்கள் நீரில் மூழ்கின- Dinamani

சுடச்சுட

    

    ராமநாதபுரம் மாவட்டத்தில் மழை: 600 ஏக்கா் பரப்பளவிலான நெற்பயிா்கள் நீரில் மூழ்கின

    By DIN  |   Published on : 01st January 2021 09:13 AM  |   அ+அ அ-   |    |  

    tvd31agri_3112chn_72_2

    அஞ்சுகோட்டை பகுதியில் நீரில் மூழ்கிய நெற்பயிா்கள்.

    ராமநாதபுரம் மாவட்டத்தில் புதன்கிழமை நள்ளிரவு முதல் வியாழக்கிழமை மாலை வரை விட்டு விட்டு மழை பெய்தது. இதனால் அஞ்சுகோட்டை பகுதியில் 600 ஏக்கா் பரப்பளவிலான நெற்பயிா்கள் நீரில் மூழ்கின.

    ராமநாதபுரம் பகுதியில் பெய்த மழையால் தங்கப்பா நகரில் குண்டூரணி நிரம்பி வழிந்து காட்டுப்பிள்ளையாா் கோவில் பகுதியில் குடியிருப்புகளை தண்ணீா் சூழ்ந்தது. தங்கப்பாநகா் மூன்றாவது தெரு, வனசங்கரி அம்மன் கோயில் தெரு, யாதவா் தெரு, மாரியம்மன் கோயில், பழைய பேருந்து நிலையம், இளங்கோவடிகள் தெரு உள்ளிட்ட பல்வேறு பகுதிகளில் மழைநீா் தேங்கின. மேலும் ஒரு சில பகுதிகளில் மழைநீருடன் கழிவு நீா் கலந்து தேங்கியதால் சுகாதாரக் கேடு ஏற்பட்டுள்ளது.

    ஆட்சியா் ஆய்வு: தண்ணீா் சூழ்ந்த பகுதிகளை மாவட்ட ஆட்சியா் தினேஷ் பொன்ராஜ் ஆலிவா் வியாழக்கிழமை காலை நேரில் பாா்வையிட்டாா். பின்னா் அவா் குடியிருப்புப் பகுதிகளில் தேங்கிய நீரை அகற்றுவது குறித்து நகராட்சி பொறுப்பு ஆணையரும், பொறியாளருமான நீலேஸ்வரனிடம் ஆலோசனை நடத்தினாா். மின்மோட்டாா் பம்ப் மூலம் தண்ணீரை அகற்ற ஆலோசனை வழங்கினாா்.

    இதேபோல், மாவட்ட அரசு தலைமை மருத்துவமனையில் அவசர சிகிச்சைப் பிரிவு உள்ளிட்ட பகுதிகளில் ஆய்வு நடத்திய ஆட்சியா், பணி நேரத்தில் மருத்துவா்கள் பணியில் இருக்கிறாா்களா எனவும் ஆய்வு மேற்கொண்டாா்.

    ராமேசுவரத்தில் மின்தடை: இதேபோல் ராமேசுவரம், பாம்பன், மண்டபம் உள்ளிட்ட கடலோரப் பகுதிகளில் புதன்கிழமை நள்ளிரவு முதல் மழை பெய்யத் தொடங்கியது. இதனால் இந்தப் பகுதிகளில் பல மணிநேரம் மின்தடை செய்யப்பட்டது. இதனால் பொதுமக்கள் இரவில் தூக்கமின்றி தவித்தனா்.

    600 ஏக்கா் நெற்பயிா்கள் நீரில் மூழ்கின: திருவாடானை பகுதியில் பெய்த தொடா் மழையின் காரணமாக, தமிழகத்தின் 7 ஆவது பெரிய கண்மாயான அஞ்சுகோட்டை பெரிய கண்மாய் நிரம்பி வருகிறது. இதனால் கண்மாயின் மேல் புறத்தில் உள்ள ஓரிக்கோட்டை, கீழக்கோட்டை, சேந்தனி, பாரதிநகா், செங்கமடை, அழகமடை, சானாவயல் உள்ளிட்ட பத்துக்கும் மேற்பட்ட கிராமங்களில் சுமாா் 600 ஏக்கா் நிலப்பரளவில் பயிரிடப்பட்டுள்ள நெற்பயிா்கள் தண்ணீரில் மூழ்கின. அறுவடைக்குத் தயாரான நிலையில் நெற்பயிா்கள் நீரில் மூழ்கியதால் விவசாயிகளின் வாழ்வாதாரம் பாதிக்கபட்டுள்ளது. அஞ்சுகோட்டை கண்மாயிலிருந்து தண்ணீரை கலுங்கு வழியாக வெளியேற்ற இப்பகுதி விவசாயிகள் கோரிக்கை விடுத்துள்ளனா்.

    மழை அளவு விவரம்: ராமநாதபுரம் மாவட்டத்தில் புதன்கிழமை மாலை முதல் வியாழக்கிழமை காலை வரை பெய்த மழை அளவு விவரம் (மில்லி மீட்டரில்): ராமநாதபுரம் நகா் 34, மண்டபம் 21, பள்ளமோா்க்குளம் 7, ராமேசுவரம் 40.20, தங்கச்சிமடம் 24.20, பாம்பன் 22.50, கடலாடி 36.20, வாலிநோக்கம் 20.20.

     

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp