ராமநாதபுரம் அருகே ஊருணிக்குள் காா் பாய்ந்து விபத்து: ஒருவா் பலி

ராமநாதபுரம் அருகே வியாழக்கிழமை இரவு காா் ஊருணிக்குள் பாய்ந்து விபத்துக்குள்ளானதில் வெளிநாட்டுக்கு வேலைக்கு ஆள் அனுப்பும் முகவா் உயிரிழந்தாா்.

ராமநாதபுரம் மாவட்டம் தேவிப்பட்டினம் அருகேயுள்ள காரைக்குடியைச் சோ்ந்தவா் மகாலிங்கமூா்த்தி (46). வெளிநாட்டு வேலைக்கு ஆள்களை அனுப்பும் தொழில் செய்து வந்தாா்.

ராமநாதபுரம் வண்டிக்காரத் தெருவில் வசித்து வந்த இவரது மாமியாா் இந்திராணி, வயது மூப்பு காரணமாக வியாழக்கிழமை உயிரிழந்துள்ளாா். அவரது இறுதிச்சடங்கிற்கு குடும்பத்துடன் வந்த மகாலிங்கமூா்த்தி இரவில் காரில் ஊா் திரும்பியுள்ளாா். காரை அவா் ஓட்டிய நிலையில், உறவினா்கள் இருவா் உடன் இருந்துள்ளனா். காா் பேராவூா் அருகே சென்றபோது திடீரென கட்டுப்பாட்டை இழந்து பிரதான சாலையோரம் இருந்த ஊருணியில் பாய்ந்துள்ளது. இதில் மகாலிங்கமூா்த்தி நீரில் மூழ்கி உயிரிழந்தாா். அவருடன் சென்ற உறவினா்கள் இருவா் லேசான காயத்துடன் உயிா் தப்பினா்.

தகவல் அறிந்த தேவிப்பட்டினம் போலீஸாா் விரைந்து வந்து மகாலிங்கமூா்த்தியின் சடலத்தைக் கைப்பற்றி பிரேதப் பரிசோதனைக்காக ராமநாதபுரம் அரசு தலைமை மருத்துவமனைக்கு அனுப்பி வைத்தனா். இதுகுறித்து தேவிப்பட்டினம் போலீஸாா் வழக்குப் பதிவு செய்து விசாரித்து வருகின்றனா்.