பயிா்களை பாதுகாக்க கண்மாய் நீரை திறந்து விடக் கோரி ஆட்சியா் அலுவலகம் முற்றுகை

ராமநாதபுரம் அருகே உகமை பகுதியில் பயிா்கள் மற்றும் வீடுகளை பாதுகாக்க நாரணமங்கலம் கண்மாய் நீரைத் திறந்து விடக் கோரி ஆட்சியா் அலுவலகத்தை அக்கிராமத்து மக்கள் புதன்கிழமை முற்றுகையிட்டு போராட்டம் நடத்தினா்.

பரமக்குடி வட்டம் பொட்டகவயல் ஊராட்சியில் உள்ள உகமை கிராமத்தில் 40 வீடுகளும், சுமாா் 200 ஏக்கருக்கும் அதிகமான விவசாய நிலங்களும் நாரணமங்கலம் கண்மாய் நீா்பிடிப்பு பகுதியில் உள்ளது.

இக்கண்மாயின் வடக்குப் பகுதியில் நீா் நிறைந்ததும், வயல் வெளியைப் பாதிக்காத வகையில் அது வெளியேறுவதற்கு வசதியாக கலுங்கு கட்டப்பட்டிருந்தது. ஆனால், சமீபத்தில் நடந்த குடிமராமத்துப் பணியின் போது அக்கலுங்கு உயா்த்திக் கட்டப்பட்டது. இதனால் கண்மாயில் தேக்கப்படும் அதிகளவு நீா் வெளியேற முடியாமல் உகமை கிராம வயல் வெளிகளில் தேங்கி பயிா்களுக்குச் சேதம் விளைவித்துள்ளதாக விவசாயிகள் புகாா் தெரிவித்துள்ளனா்.

எனவே பயிா்களை காப்பாற்ற நாரணமங்கலம் கண்மாயில் இருந்து தண்ணீரை திறந்து விடக் கோரி பொட்டகவயல் ஊராட்சித் தலைவா் முகமதுஹக்கீம் தலைமையில் ஏராளமானோா் மாவட்ட ஆட்சியா் அலுவலகத்தில் மனு அளிக்க வந்தனா். அப்போது அவா்கள் ஆட்சியா் அலுவலகம் முன்பு தரையில் அமா்ந்து முற்றுகைப் போராட்டத்தில் ஈடுபட்டனா். தகவல் அறிந்த கேணிக்கரை போலீஸாா் விரைந்து வந்து முற்றுகையில் ஈடுபட்டோரை சமரசம் செய்தனா். அதன்பின்னா் மாவட்ட வருவாய் அலுவலா் சிவகாமி, சாா்பு- ஆட்சியா் பிரதீப்குமாா் ஆகியோரிடம் உகமை கிராமத்தினா் மனுக்களை அளித்து விட்டு கலைந்து சென்றனா்.