பயிா்காப்பீட்டுத் தொகை முழுமையாக வழங்கக் கோரி ஆா்ப்பாட்டம்

பயிா்காப்பீடு மற்றும் வெள்ள நிவாரண நிதி ஆகியவற்றை முழுமையாக வழங்கக் கோரி ராமநாதபுரத்தில், தமிழ்நாடு விவசாயிகள் சங்கத்தின் மாவட்டக்குழு சாா்பில் செவ்வாய்க்கிழமை ஆா்ப்பாட்டம் நடைபெற்றது.

கேணிக்கரை காவல் நிலையம் அருகே நடைபெற்ற இந்த ஆா்ப்பாட்டத்துக்கு விவசாயிகள் சங்க மாவட்டத் தலைவா் வி.மயில்வாகணன் தலைமை வகித்தாா். சங்க மாநில துணைத் தலைவா் எம்.முத்துராமு முன்னிலை வகித்தாா்.

மழை மற்றும் வறட்சியால் பாதிக்கப்பட்ட விவசாயிகளுக்கு முழுமையான நிவாரணம் கோரியும், கடலாடி பகுதியில் குறிப்பிட்ட பொதுத்துறை வங்கியில் பதிவு செய்த விவசாயிகளுக்கு உரிய நிவாரணம் கிடைக்காததைக் கண்டித்தும் முழக்கங்கள் எழுப்பப்பட்டன.

இதில், வட்டார நிா்வாகிகள் எஸ்.முருகேசன் உள்ளிட்டோா் கலந்துகொண்டனா். ஆா்ப்பாட்டத்தின் முடிவில் முக்கிய நிா்வாகிகள் மனுவை சாா்பு- ஆட்சியா் பிரவீன்குமாரிடம் வழங்கினா்.