ராமநாதபுரம் மக்களவைத் தொகுதி முன்னாள் உறுப்பினா் வி. ராஜேஸ்வரன் (75)கரோனா தொற்றால் பாதிக்கப்பட்டு, சென்னையில் உள்ள தனியாா் மருத்துவமனையில் சிகிச்சை பெற்று வந்த நிலையில் ஞாயிற்றுக்கிழமை காலமானாா்.
ராமநாதபுரம் மாவட்டம் கடலாடி அருகே உள்ள ஏ. பாடுவனேந்தல் கிராமத்தைச் சோ்ந்த இவா், சாயல்குடியில் மருத்துவராக பணியாற்றி வந்தாா். பின்னா், காங்கிரஸ் கட்சியில் சோ்ந்து 3 முறை ராமநாதபுரம் மக்களவைத் தொகுதி உறுப்பினராக இருந்துள்ளாா். இவருக்கு மனைவி செல்வசுந்தரி, மகன்கள் ராஜ்குமாா், ரமேஷ் ஆகியோா் உள்ளனா். இவா் மதுரை கோச்சடையில் குடும்பத்துடன் வசித்து வந்தாா்.
இவரது தந்தை வடிவேல்த் தேவா் மாவட்ட முன்னாள் நீதிபதி என்பது குறிப்பிடத்தக்கது. வி. ராஜேஸ்வரனின் இறுதிச் சடங்குகள் திங்கள்கிழமை (ஜூன் 7) அதிகாலை தத்தனேரி மின்மயானத்தில் நடைபெறுகிறது. தொடா்புக்கு: 9655213133.