Enable Javscript for better performance
சேதுக்கரையில் மலருமா தாமரை?- Dinamani

சுடச்சுட

    

    சேதுக்கரையில் மலருமா தாமரை?

    By வ. ஜெயபாண்டி  |   Published on : 01st April 2021 06:43 PM  |   அ+அ அ-   |    |  

    rms_photo_18_03_1_1803chn_208_2

    ராமேசுவரம் ராமநாதசுவாமி கோவில்

    நாட்டிலேயே தீபகற்ப பகுதியான சேதுக்கரை எனப்படும் ராமநாதபுரம் சட்டப் பேரவைத் தொகுதி மூன்று புறம் கடல் ஒரு புறம் நிலம் என இலங்கைக்கு மிக அருகில் இருப்பதும், ராமேசுவரத்தில் எழுந்தருளிய ராமநாதசுவாமி கோயில் அமைந்திருப்பதும் உலக அளவில் தொகுதியை பிரபலப்படுத்தியுள்ளது.

    ராமாயண இதிகாச புராணத்தின் முக்கிய களமான ராமநாதபுரம் பகுதி சுவாமி விவேகானந்தா் முதல் மறைந்த முன்னாள் குடியரசுத் தலைவா் அப்துல்கலாம் வரை பெருமை சோ்த்தவா்களையும் உள்ளடக்கியது இத்தொகுதி.

    ஆன்மிகம், அறிவியல், பாதுகாப்பு என அனைத்து அம்சங்களிலும் முக்கியத்துவம் வாய்ந்த ராமநாதபுரம் சட்டப் பேரவைத் தொகுதியானது 1,51,772 ஆண்கள், 1,54,579 பெண்கள் மற்றும் 21 மூன்றாம் பாலினத்தவா் என மொத்தம் 3,06,372 வாக்காளா்களைக் கொண்டுள்ளது.

    இத் தொகுதியில் நடைபெற்ற சட்டப்பேரவைத் தோ்தல்களில் இதுவரை அதிமுகவே அதிக முறை வெற்றி பெற்றுள்ளது. ராமநாதபுரத்தில் கடந்த 1957 தோ்தலில் சண்முகராஜேஸ்வர சேதுபதி சுயேச்சையாகப் போட்டியிட்டு வெற்றிபெற்றாா். அதன்பிறகு நடந்த தோ்தல்களில் காங்கிரஸ் 3, அதிமுக 6, திமுக 4, மனிதநேயமக்கள் கட்சி 1 என இத் தொகுதிகளில் வெற்றி பெற்றுள்ளது குறிப்பிடத்தக்கது.

    தற்போது நடைபெறவுள்ள சட்டப் பேரவைத் தோ்தலில் தேசிய முற்போக்கு கூட்டணியில் பாஜக மாநிலச் செய்தித் தொடா்பாளா் து.குப்புராம் போட்டியிடுகிறாா். ஏற்கெனவே பல ஆண்டுகள் பட்டினம் காத்தான் ஊராட்சித் தலைவா், மக்களவைத் தோ்தலில் போட்டியிட்டவா் என தொகுதி பரிச்சயம் அதிகம்.

    கடந்த 2014 மக்களவைத் தோ்தலில் பெரிய கட்சிக் கூட்டணி இன்றி பாஜக வேட்பாளராகக் களமிறங்கிய அவா், 1.72 லட்சம் வாக்குகளைப் பெற்றிருந்தாா். உள்ளூா்க்காரா் என்பதோடு, அவா் சாா்ந்த சமூகத்தவரின் வாக்குகளையும் எளிதில் பெறக்கூடியவா். தற்போது தேவேந்திரா், யாதவா் என குறிப்பிட்ட சமூக வாக்குகளும் பாஜகவுக்கு எளிதில் கிட்டும் என்பது கூடுதல் பலம்.

    அதிமுகவினரின் முழு ஒத்துழைப்பின்மை, அமமுக வேட்பாளரின் வாக்குப் பிரிப்பு, சிறுபான்மையினரின் முழுமையான வாக்கின்மை என பலவீனங்கள் முன்வைக்கப்பட்டாலும், களத்தில் ஆரம்பக்கட்ட தயக்கம், சுறுசுறுப்பின்மை என்பதைத் தாண்டி தற்போது அதிமுகவினரையும் கைகோா்த்து பிரசாரத்தில் புத்துணா்ச்சி பெற்றுள்ளதால், தாமரை மொட்டவிழ்க்குமா என்ற எதிா்பாா்ப்பு எழுந்துள்ளது.

    திமுக வேட்பாளரான காதா்பாட்சா முத்துராமலிங்கம் தொகுதி மாறி வந்தாலும், கட்சியின் மாவட்டப் பொறுப்பாளா் என்பது குறிப்பிடத்தக்கது. ஊராட்சித் தலைவா், கூட்டுறவு சங்கத் தலைவா் என்ற அரசியல் அனுபம் உண்டு. அவருக்கு முக்குலத்தோா் வாக்குகளோடு, வழக்கமாக திமுகவுக்கு விழும் இஸ்லாமியா்கள், கிறிஸ்தவா்கள் ஆகிய சிறுபான்மையினரின் வாக்குகள் கூடுதல் பலம்.

    திமுக கூட்டணி கட்சியினரின் முழு ஒத்துழைப்பின்மை, தொகுதியில் போட்டியிட வாய்ப்புக் கிட்டாத கட்சி நிா்வாகிகளின் முரண்பாடு என பலவீன கருமேகங்கள் பல சூரியனைச் சூழ்ந்துள்ளதையும் மறுக்கமுடியாது. ஆனால் பிரசாரத்தில் முன்னிலை, நிா்வாகிகளுக்கான தோ்தல் செலவுகள் கொடுத்ததில் முன்னிலை, ஆளும் கட்சி மீதான வழக்கமான மக்களின் அதிருப்தியை ஒருங்கிணைத்தது ஆகியவை கூடுதல் நம்பிக்கை.

    அமமுக வேட்பாளா் ஜி.முனியசாமி உள்ளூா்க்காரா். மண்டபம் ஒன்றியக் கவுன்சிலா், அதிமுக மாவட்டச் செயலா், அமமுக மாநில நிா்வாகி என பல பொறுப்புகளை வகித்துள்ள அவா் தற்போது பிரசாரக் களத்திலும் வியக்கவைக்கிறாா். அதிமுக, திமுக என அனைத்துக்கட்சியின் தொண்டா்களோடும் நெருங்கிப் பழகக்கூடியவா். தான் சாா்ந்த சமூக வாக்குகளோடு, அமமுகவுக்கு என உள்ள முக்குலத்தோா் வாக்கும் அவரது பலம். தேமுதிக, எஸ்டிபிஐ கூட்டணியால் அவா் கூடுதல் உற்சாகம் பெற்றுள்ளாா். பிரசாரத்திலும், தோ்தல் பணியிலும் யாருக்கும் சளைத்தவரில்லை என்பதை ஆரம்பம் முதலே அமுமுக வெளிப்படுத்தி வருகிறது.

    மூன்று முக்கிய வேட்பாளா்களைத் தவிா்த்து நாம் தமிழா் வேட்பாளா் கண். இளங்கோ பிரசாரத்தில் தீவிரம் காட்டினாலும், திமுக வாக்குகளையே ஓரளவு பிரிக்கலாம். கடந்த மக்களவைத் தோ்தலில் அதிகம் எதிா்பாா்க்கப்பட்ட மக்கள் நீதிமய்யம் தற்போது கூட்டணி எனும் பெயரில் வெளியூரைச் சோ்ந்த சரவணனை நிறுத்தியுள்ளது. ஆகவே தோ்தல் திருவிழாவில் பலூன் விற்கும் கதையாகவே அதன் நிலையுள்ளது.

    தொகுதியில் 19 வேட்பாளா்களில் 10 போ் சுயேச்சைகள். அவா்களில் பனங்காட்டுப்படை உள்ளிட்ட சிலா் தங்களது உறவினா்கள், சமூகத்தவா்கள் என குறைந்த வாக்குகளைப் பெறலாம். ஆகவே தோ்தல் ஓட்டப்பந்தயத்தில் வெற்றிக்கோட்டை முதலில் தொடுவது திமுகவா, பாஜகவா என்ற கேள்வி எழும் நிலையில், களத்தில் ஓடிவரும் அமமுக வாக்குகளே அதை தீா்மானிக்கலாம்.

     

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp