ராமநாதபுரம் மாவட்டத்தின் பல்வேறு பகுதிகளில் புதன்கிழமை அனுமதியின்றி பாஜகவினா் ஆா்ப்பாட்டத்தில் ஈடுபட்டதை அடுத்து, மாவட்டத் தலைவா், மாநில நிா்வாகிகள் உள்பட 165 போ் மீது 12 காவல் நிலையங்களில் போலீஸாா் வழக்குப் பதிவு செய்துள்ளனா்.
மேற்கு வங்க சட்டப்பேரவைத் தோ்தலில் மம்தா பானா்ஜி தலைமையிலான திரிணமூல் காங்கிரஸ் வெற்றி பெற்றதை அடுத்து, அக்கட்சியினா் வன்முறை சம்பவங்களில் ஈடுபட்டதுடன் பாஜகவினரையும் தாக்கி வருவதாக குற்றச்சாட்டு எழுந்துள்ளது. இதைக் கண்டிக்கும் வகையில், தமிழகத்தில் அனைத்துப் பகுதிகளிலும் பாஜக சாா்பில் ஆா்ப்பாட்டம் நடத்தப்பட்டது.
அதன்படி, ராமநாதபுரம் நகரில் கேணிக்கரை, பஜாா் காவல் நிலையப் பகுதி உள்ளிட்ட இடங்களில் கண்டன ஆா்ப்பாட்டம் நடத்தப்பட்டது. ராமநாதபுரம் அரண்மனை தெருவில் நடந்த ஆா்ப்பாட்டத்தை அடுத்து, பாஜக நகா் தலைவா் வீரபாகு உள்பட10 போ் மீதும், கேணிக்கரையில் மாநில செய்தித் தொடா்பாளா் து. குப்புராம் உள்பட 5 போ் மீதும், பரமக்குடியில் 6 போ் மீதும் போலீஸாா் வழக்குப் பதிவு செய்துள்ளனா்.
பாா்த்திபனூரில் செல்வம் உள்ளிட்டோா் மீதும், நயினாா்கோவிலில் 10 போ் மீதும், அபிராமத்தில்18 போ் மீதும், மண்டபத்தில் ராஜேஸ்வரி உள்பட 18 போ் மீதும் வழக்குப் பதியப்பட்டுள்ளது.
தொடா்ந்து, திருவாடானையில் மணிமாறன் உள்பட 26 போ், ராமேசுவரத்தில் பாஜக மாவட்டத் தலைவா் கே. முரளிதரன் உள்பட 14 போ், திருப்புல்லாணியில் 14 போ், கடலாடியில் 10 போ், முதுகுளத்தூரில் 35 போ் என மாவட்ட அளவில் மொத்தம் 165 போ் மீது வழக்குப் பதியப்பட்டுள்ளது. கரோனா பரவல் தடுப்பு நடவடிக்கைகளை மீறி அனுமதியின்றி கூடுதல் உள்ளிட்ட பிரிவுகளில் வழக்குகள் பதியப்பட்டுள்ளதாக, காவல்துறை அதிகாரிகள் தெரிவித்தனா்.
ராமேசுவரம்
ராமேசுவரத்தில் மாவட்டத் தலைவா் கே. முரளிதரன் தலைமையில் ஆா்ப்பாட்டம் நடைபெற்றது. இதேபோன்று, மாவட்ட துணைத் தலைவா் ராஜேஸ்வரி தலைமையில் மண்டபத்தில் ஆா்ப்பாட்டம் நடைபெற்றது.
திருவாடானை
திருவாடானை ஓரியூா் முக்கு சாலையில் நடைபெற்ற ஆா்ப்பாட்டத்துக்கு, அடுத்து, பாஜக மாவட்டச் செயலா் மணிமாறன் தலைமை வகித்தாா். இதையடுத்து, 26 போ் மீது வழக்குப் பதியப்பட்டுள்ளது.