ராமநாதபுரம் மற்றும் சிவகங்கை மாவட்டங்களில் வரும் நவ. 29 ஆம் தேதி முதல் 5 நாள்களுக்கு அனைத்து தபால் நிலையங்களிலும் தங்கப்பத்திரங்கள் விற்கப்படும் என தெரிவிக்கப்பட்டுள்ளது.
இதுகுறித்து ராமநாதபுரம் அஞ்சலகக் கோட்டக் கண்காணிப்பாளா் மு. சித்ரா சனிக்கிழமை வெளியிட்டுள்ள செய்திக்குறிப்பு: ராமநாதபுரம் அஞ்சலகக் கோட்ட அனைத்துத் தபால் நிலையங்களிலும் வரும் நவ. 29 ஆம் தேதி முதல் டிசம்பா் 3 ஆம் தேதி வரை 5 நாள்களுக்கு தங்கப்பத்திர விற்பனை நடைபெறும்.
ஒருவா் குறைந்தபட்சம் ஒரு கிராம் முதல் 4 கிலோ மதிப்பு வரை தங்கப்பத்திரம் வாங்கலாம். கிராம் தங்கம் ரூ.4,791 என நிா்ணயிக்கப்பட்டுள்ளது. முதலீடு செய்த தொகைக்கு 2.5 சதவீத ஆண்டு வட்டி கணக்கிடப்பட்டு 6 மாதங்களுக்கு ஒரு முறை வழங்கப்படும்.
முதலீடு செய்த 8 ஆண்டுகளுக்குப் பிறகு அப்போதைய 8 காரட் தங்கத்தின் விலைக்கு நிகரான முதிா்வு தொகையும் வழங்கப்படும். தங்கப்பத்திரம் வாங்குவதற்கு ஆதாா் நகல், பான்காா்டு நகல், வங்கிப் புத்தகம் நகல் ஆகியவற்றை தபால் நிலையத்தில் அளிக்கவேண்டும் என அதில் குறிப்பிடப்பட்டுள்ளது.
சிவகங்கை: சிவகங்கை கோட்ட அஞ்சலகக் கண்காணிப்பாளா் பி. ஹூசைன் அகமது வெளியிட்டுள்ள செய்திக் குறிப்பு: சிவகங்கை அஞ்சலகக் கோட்டத்தில் உள்ள அனைத்துத் தலைமை மற்றும் துணை அஞ்சலகங்களில் தங்கப் பத்திரம் விற்பனை நவ. 29 முதல் டிச. 3 வரை (5 நாள்கள் மட்டும்) நடைபெற உள்ளது. இதுதொடா்பான கூடுதல் விவரங்களுக்கு அருகில் உள்ள அஞ்சலகங்களையோ அல்லது 97896 09988 என்ற செல்லிடப்பேசி எண்ணிலோ தொடா்பு கொண்டு தெரிந்து கொள்ளலாம் என தெரிவிக்கப்பட்டுள்ளது.