கமுதி: பசும்பொன் முத்துராமலிங்கத் தேவா் குருபூஜை விழாவை முன்னிட்டு ராமநாதபுரம் மாவட்ட எல்லையில் கட்டுப்பாட்டு அறையுடன் கூடிய புறக்காவல் நிலையத்தை மாவட்டக் காவல் கண்காணிப்பாளா் இ.காா்த்திக் புதன்கிழமை திறந்து வைத்தாா்.
ராமநாதபுரம் மாவட்டம் கமுதியில் கடந்த 6 மாதங்களுக்கு முன்பு சாா்பு- ஆய்வாளராக இருந்த முருகனாதனின் முயற்சியால் கமுதி முழுவதும் குற்றச் செயல்களில் ஈடுபட்டவா்களைக் கண்காணிக்கும் வகையில் 30-க்கும் மேற்பட்ட கேமராக்கள் பொருத்தப்பட்டன.
இதனையடுத்து முறையான பராமரிப்பின்றி கேமராக்கள் பழுதானதை தொடா்ந்து கமுதி பகுதி முழுவதும் புதிய கேமராக்கள் பொருத்த நடவடிக்கை மேற்கொள்ளப்பட்டது. வரும் அக்டோபா் 30 இல் பசும்பொன் முத்துராமலிங்கத் தேவா் குருபூஜை விழா நடைபெற இருப்பதால், கமுதி மற்றும் அதன் சுற்றுவட்டாரப் பகுதிகளில் போலீஸாா் தடுப்புகளை ஏற்படுத்தி சோதனையில் ஈடுபட்டு வருகின்றனா்.
மேலும் மாவட்ட எல்லையான கிளாமரத்தில் அனைத்து வசதிகளுடன், கட்டுப்பாட்டு அறையுடன் கூடிய புறக்காவல் நிலையத்தை மாவட்டக் காவல் கண்காணிப்பாளா் இ.காா்த்திக் புதன்கிழமை திறந்து வைத்து அங்கு மரக்கன்றுகளை நட்டாா். அதேபோல் கமுதி பேருந்து நிலையத்தில் உள்ள புதிய கட்டுப்பாட்டு அறையையும் அவா் திறந்து வைத்தாா்.
கமுதி பேருந்து நிலையம், கமுதி- அருப்புக்கோட்டை சாலை, மதுரை சாலை மற்றும் சாயல்குடி சாலை உள்ளிட்ட முக்கிய பகுதிகளில் 52 புதிய கண்காணிப்பு கேமராக்கள் பொருத்தப்பட்டு, பொதுமக்களின் நடமாட்டத்தை பேருந்து நிலையத்தில் உள்ள கட்டுப்பாட்டு அறையில் உள்ள திரையில் கண்காணிக்கும் வகையில் போலீஸாா் ஏற்பாடு செய்துள்ளனா். இதனை மாவட்ட காவல் கண்காணிப்பாளா் இ.காா்த்திக் பாா்வையிட்டு கமுதி காவலா்களை பாராட்டினாா்.
அப்போது, கமுதி காவல் துணைக் கண்காணிப்பளா் எஸ்.பிரசன்னா, ஆய்வாளா் அன்பு பிரகாஷ், மகளிா் காவல் நிலைய ஆய்வாளா் எஸ்.விமலா, சாா்பு- ஆய்வாளா்கள் கண்ணன், முருகன், பிரகாஷ், ஜான்பீட்டா் உள்ளிட்டோா் உடனிருந்தனா்.